Border News Agency
ကျောက်တော်၊ မတ် ၂၂။
အာရက္ခတပ်တော်(AA)ထိန်းချုပ်နယ် မြေတွေကကြက်သွန်စိုက်တောင်သူတွေဟာ စိုက်ခင်းအခြေအနေမကောင်းတဲ့အပြင် ဆီဈေး၊လုပ်အားခတွေကြောင့် အခက်တွေ့နေကြပါတယ်။
သွင်းအားစုတွေစျေးတက်နေတာက စိုက်ပျိုးရေးသမားတွေအတွက် အဓိက စိန်ခေါ်မှုဖြစ်နေတာပါ။
ဒီနှစ်မှာကြက်သွန်စိုက်ခင်းတွေကို တိုးစိုက်ပျိုးထားကြပေမယ့်ဆေးဝါး၊ဓာတ်မြေဩစာနဲ့သဘာဝမြေဆီတွေ လိုအပ်နေပါတယ်။
အဲဒီအပြင် မြေဆီလွှာမပျက်စီးအောင် ထိန်းသိမ်းဖို့အတွက် နည်းပညာအကူ အညီတွေလိုအပ်နေတယ်လို့လည်းတောင်သူတွေက ဆိုကြပါတယ်။
ပြည်တွင်းထွက်ကြက်သွန်ဟာ အနံ့အရသာ ကောင်းမွန်ပေမယ့် ပြည်ပသွင်းကုန်တွေ ဝင်လာတဲ့အခါဈေးကွက်ထိန်းချုပ်ဖို့ ခက်ခဲတတ်တယ်လို့ဆိုပါတယ်။
အဲဒါကြောင့် စိုက်ပျိုးခနဲ့ ကိုက်ညီတဲ့ သတ်မှတ်ဈေးကွက်ရှိလာဖို့နဲ့တပိဿာကိုအနည်းဆုံးရှစ်ထောင်ကျပ်မှကိုးထောင်ကျပ်ဝန်းကျင်ထိ ရဖို့ တောင်သူတွေမျှော်လင့်နေကြတာပါ။
ဒေသခံတောင်သူတွေဟာ စိုက်ပျိုးရေးရေဖို့အတွက် သဘာဝမြေဆီလွှာ ထိန်းသိမ်းရေးနဲ့သွင်းအားစု အကူအညီတွေ အများကြီးလိုအပ်နေပါတယ်။
အခက်အခဲတွေကြားက ရုန်းကန်နေရတဲ့ တောင်သူတွေအတွက် သက်ဆိုင်ရာက ကူညီပေးဖို့ မျှော်လင့်နေကြပါတယ်။
