Border News Agency
ကျောက်တော်၊ မတ် ၂၄။
အာရက္ခတပ်တော်ထိန်းချုပ်နယ်မြေတွေရှိငါးနှစ်အောက်ကလေးတွေကို အာရက္ခပြည်သူ့ကျန်းမာရေးဌာနက ကာကွယ်ဆေးတွေထိုးပေးနေပါတယ်။
အဲဒီအသက်ငါးနှစ်အောက်ကလေးငယ်တွေကို မတ်လ ၂၃ ရက်နေ့ကအာရက္ခပြည်သူ့ကျန်းမာရေးဌာနမှတတိယအ ကြိမ်ကာကွယ်ဆေးထိုးပေးခဲ့တာပါ။
အာရက္ခပြည်သူ့တော်လှန်ရေးအစိုးရရဲ့ အခမဲ့အစီအစဥ်နဲ့ဆုံဆို၊ကြက်ညှာ၊မေး ခိုင်ကာကွယ်ဆေး(DPT)တွေထိုးပေးနေတာပါ။
ပထမအကြိမ်နှစ်လသားအရွယ်မှသုံး နှစ်အရွယ်ထိ၊ဒုတိယအကြိမ်မှာနှစ်လ သားအရွယ်မှငါးနှစ်အရွယ်ထိပါဝင်ပြီး တတိယအကြိမ်မှာနှစ်လသားအရွယ်မှငါးနှစ်အရွယ်ထိဖြစ်ပါတယ်။
အာရက္ခတပ်တော်ထိန်းချုပ်နယ်မြေတွေရှိကလေးငယ်တွေကိုထိုးပေးနေတာဖြစ်သလိုစစ်ဘေးရှောင်ကလေးတွေကိုလည်း ကာကွယ်ဆေးထိုးပေးနေပါ။
