Border News Agency
ရွှေဘို၊ မတ် ၂၈။
စစ်ကိုင်းတိုင်း၊ ရွှေဘိုမြို့နယ်မှာ “တပ်မတော်နေ့မဟုတ်ဘူး တော်လှန်ရေးနေ့” ဆိုတဲ့ စာသားနဲ့ အကြမ်းဖက်စစ်အာဏာရှင်ဆန့်ကျင်ရေး ဆန္ဒပြပွဲကို မတ်လ ၂၇ ရက်နေ့မှာ ပြုလုပ်ခဲ့ကြပါတယ်။
အဲဒီဆန္ဒပြသပိတ်ကို ရွှေဘိုမြို့နယ် သပိတ်အင်အားစုတွေနဲ့ကျောင်းသား၊ ကျောင်းသူ လူငယ်တွေက ဦးဆောင်ပြုလုပ်ခဲ့တာပါ။
တော်လှန်ရေးနေ့ အထိမ်းအမှတ်အဖြစ် “ဖက်ဆစ်ကိုမြေလှန်..ဒို့..တော်လှန်ရေးအောင်လံ”ဆိုတဲ့ စာသားပါ လက်ကမ်းစာစောင်တွေကိုလည်း ပြည်သူလူထုကြားထဲ ဝေငှပြီး လူထုလှုပ်ရှားမှုတရပ်အနေနဲ့ ဖော်ဆောင်ခဲ့ကြပါတယ်။
နယ်မြေမအေးချမ်းတဲ့ကြားကပဲ ဒေသခံလူငယ်တွေဟာ စစ်အာဏာရှင်စနစ်ကို အဆုံးထိ တော်လှန်သွားမယ်ဆိုတဲ့ သန္နိဋ္ဌာန်နဲ့ အခုလို လမ်းပေါ်ထွက် ဆန္ဒပြခဲ့ကြတာ ဖြစ်ပါတယ်။
