Border News Agency
မိုးဗြဲ၊ ဇွန် ၃၀။
ရှမ်းနဲ့ ကရင်နီပြည်နယ်အစပ် မိုးဗြဲမြို့အနီးမှာဖြစ်ပွားခဲ့တဲ့ တိုက်ပွဲအတွင်း အာဏာသိမ်းစစ်တပ်ဆီမှ စစ်သုံ့ပန်း ၂ ဦးနဲ့အတူ လက်နက်ခဲယမ်းအချို့ သိမ်းဆည်းရမိခဲ့တယ်လို့ အောင်ပန်းမြို့ပြပြောက်ကျားတပ် (UTF) က ဇွန်လ ၂၉ ရက်နေ့က ထုတ်ပြန်ပါတယ်။
အဲဒီမိုးဗြဲမြို့အနီးမှာ ဇွန်လ ၂၈ ရက်နေ့က အာဏာသိမ်းစစ်တပ်နဲ့ ကရင်နီတော်လှန်ရေးတပ်ပေါင်းစုတွေကြား ထိတွေ့တိုက်ပွဲ ပြင်းထန်စွာဖြစ်ပွားခဲ့တယ်လို့ ဆိုပါတယ်။
အဲဒီတိုက်ပွဲအတွင်းမှာ အောင်ပန်းမြို့ပြပြောက်ကျားတပ် UTF အနေနဲ့ J.O.C အမှတ် ၁ စစ်ကြောင်းနဲ့အတူ ရှေ့တန်းကနေ ပူးပေါင်းပါဝင်တိုက်ခိုက်ခဲ့ကြ တယ်လို့ ဆိုပါတယ်။
