Border News Agency
အီရန်၊ ဧပြီ ၂။
အစ္စရေးရဲ့ လေကြောင်းတိုက်ခိုက်မှုကြောင့် သေဆုံးသွားခဲ့တဲ့ အီရန်တော်လှန်ရေးအစောင့်တပ် (IRGC) ရေတပ်ကွပ်ကဲရေးမှူး Alireza Tangsiri ရဲ့ ဈာပနအခမ်းအနားကို တီဟီရန်မြို့မှာရှိတဲ့ Enghelab ရင်ပြင်မှာ လူထောင်ပေါင်းများစွာ တက်ရောက်ခဲ့ကြပါတယ်။
အဲဒီဈာပနဟာ ၁၉၇၉ ခုနှစ်မှာ စတင်ခဲ့တဲ့ အစ္စလာမ္မစ်သမ္မတနိုင်ငံတော်ရဲ့ ၄၇ နှစ်ပြည့် အထိမ်းအမှတ်နေ့နဲ့ တိုက်ဆိုင်နေပြီး တက်ရောက်လာသူတွေကတော့ အမေရိကန်နဲ့ အစ္စရေးတို့ရဲ့ ဗုံးကြဲတိုက်ခိုက်မှုတွေကို အဆုံးအထိ တွန်းလှန်သွားမယ်လို့ ကြွေးကြော်ခဲ့ကြပါတယ်။
အဲဒီသေဆုံးသွားတဲ့ တပ်မှူး Tangsiri ဟာ ဟော်မုဇ်ရေလက်ကြားကို အမေရိကန်နဲ့ အစ္စရေး သင်္ဘောတွေ ဖြတ်သန်းသွားလာလို့မရအောင် ပိတ်ဆို့နိုင်ခဲ့တဲ့ စစ်ရေးဗျူဟာရှင်တဦးအဖြစ် အီရန်ဘက်က သတ်မှတ်ထားတာပါ။
တဖက်မှာလည်း အမေရိကန်သမ္မတ ဒေါ်နယ်ထရန့်က အီရန်နဲ့ဖြစ်နေတဲ့ စစ်ပွဲကို အဆုံးသတ်ဖို့အတွက် ဆက်လက်တိုက်ခိုက်သွားမယ်လို့ ရုပ်သံကနေ ပြောကြားခဲ့ပေမယ့် အီရန်ပြည်သူတွေကတော့ ထရန့်ရဲ့ ခြိမ်းခြောက်မှုတွေကို ဂရုမစိုက်ဘူးလို့ တုံ့ပြန်နေကြပါတယ်။
လက်ရှိမှာ အီရန်ရဲ့ ထိပ်သီးခေါင်းဆောင် အယာတိုလာခါမေနီ အပါအဝင် အရာရှိကြီးတွေ သေဆုံးခဲ့ရပေမယ့် အီရန်ရဲ့ ဒုံးကျည်နဲ့ ဒရုန်းနည်းပညာတွေဟာ ဆက်လက်ရှိနေဆဲဖြစ်ပြီး ခေါင်းဆောင်သစ်အဖြစ် ခါမေနီရဲ့သား Mojtaba က ဆက်ခံမယ်လို့လည်း သတင်းတွေ ထွက်ပေါ်နေပါတယ်။
