Border News Agency
အစ္စရေး၊ဧပြီ ၁၄။
အစ္စရေးနဲ့ တိုက်ရိုက်ဆွေးနွေးတာဟာ အဓိပ္ပာယ်မရှိသလို လက်နက်ချအရှုံးပေးတာနဲ့ အတူတူပဲလို့ ဟစ်ဇ်ဘိုလာ အထွေထွေအတွင်းရေးမှူးချုပ် နာအင်မ်ကာဆင်မ်ကပြောလိုက်ပါတယ်။
အဲဒီဆွေးနွေးပွဲတွေကိုဖျက်သိမ်းပြီး ကိုယ့်ဘက်ကအားသာချက်တွေကိုသုံးပြီးမှ အစ္စရေးကိုသဘောတူညီချက်တွေ လိုက်နာအောင်လုပ်သင့်တယ်လို့ သူကဆိုပါတယ်။
အခွင့်အရေးရရင် အစ္စရေးစစ်သားတွေကို ဖမ်းဆီးသွားမှာဖြစ်သလို မိမိတို့ရဲ့မြေပြင်ခံစစ်ဟာ ခိုင်မာနေဆဲဖြစ်ပြီး အဆုံးထိ ဆက်တိုက်သွားမယ်လို့လည်း ကာဆင်မ်ကသတိပေးထားပါတယ်။
ဒါ့အပြင် လက်နက်ချချင်တဲ့သူရှိရင် တယောက်တည်းသွားပြီး အရှုံးပေးဖို့နဲ့ သူတို့အဖွဲ့ကတော့နောက်ဆုံးထွက်သက်အထိ ကွင်းထဲမှာဆက်ရှိနေမယ်လို့ ပြောပါတယ်။
လက်ရှိမှာတော့ အစ္စရေးဒရုန်းဟာ ဂါဇာမြို့အနောက်ဘက်က အယ်လ်ရီမားလ်ရပ်ကွက်ကိုတိုက်ခိုက်ခဲ့လို့ လူတဦးသေဆုံးပြီး အများအပြားဒဏ်ရာရခဲ့ပါတယ်။
တဖက်မှာလည်း အမေရိကန်အရာရှိတွေဟာ အပစ်အခတ်ရပ်စဲရေး သက်တမ်းမကုန်ခင် အီရန်နဲ့ ဒုတိယအကြိမ် တိုက်ရိုက်တွေ့ဆုံဖို့ ကြိုးစားနေပြီး အီရန်နဲ့ သဘောတူညီချက်ရဖို့နီးစပ်နေပြီလို့ NBC သတင်းမှာ ဖော်ပြထားပါတယ်။
