Border News Agency
အမေရိကန်၊ ဧပြီ ၂၂။
အီရန်အာဏာပိုင်တွေအနေနဲ့ ဆွေးနွေးညှိနှိုင်းဖို့ကလွဲလို့ တခြားရွေးချယ်စရာ လမ်းမရှိတော့ကြောင်းနဲ့ အဆင်ပြေတဲ့ သဘောတူညီချက်တခုရမှာကို မျှော်လင့်တယ်လို့အမေရိကန်သမ္မတ ဒေါ်နယ်ထရန့်က သတင်းမီဒီယာတွေကို ပြောကြားလိုက်ပါတယ်။
သမ္မတထရန့်က အီရန်ဘက်က အပစ်အခတ်ရပ်စဲရေး သဘောတူညီချက်ကို အကြိမ်ကြိမ် ချိုးဖောက်နေတယ်လို့ စွပ်စွဲထားပြီး လက်ရှိဖြစ်ပွားနေတဲ့ စစ်ပွဲကို အဆုံးသတ်ဖို့ သံတမန်ရေးအရ ကြိုးပမ်းမှုတွေကလည်း မရေမရာ ဖြစ်နေဆဲပါ။
ဒါ့အပြင် အမေရိကန်နဲ့ အီရန်ကြား အပစ်အခတ်ရပ်စဲရေးဟာ ဟန်ချက်ပျက်နေပြီးအီရန်အပေါ် အမေရိကန်အနေနဲ့ လိုအပ်ရင် စစ်ရေးအရ အရေးယူဖို့ အသင့်ဖြစ်နေပြီလို့လည်း ရိုက်တာသတင်းဌာနက ဖော်ပြထားပါတယ်။
လက်ရှိမှာတော့ အမေရိကန်-အစ္စရေးနဲ့ အီရန်ကြား တင်းမာမှုတွေ မြင့်တက်နေတာကြောင့် နိုင်ငံတကာက ဒီအခြေအနေကို အထူးစိုးရိမ်တကြီး စောင့်ကြည့်နေကြပါတယ်။
