Border News Agency
မဏိပူရ၊ ဇွန် ၁၈။
မဏိပူရပြည်နယ်၊အင်ဖာအရှေ့ပိုင်းခရိုင်မှာ ဇွန်လ ၁၆ ရက်နေ့က လုံခြုံရေးတပ်ဖွဲ့တွေရဲ့ နယ်မြေရှင်းလင်းရေး စစ်ဆင်ရေးတွေအတွင်း လက်နက်ကိုင်အဖွဲ့ဝင် နှစ်ဦးကို ဖမ်းဆီးရမိခဲ့ပါတယ်။
အဲဒီစစ်ဆင်ရေးအတွင်း KCP (MFL) အဖွဲ့ဝင်အသက် ၁၈ နှစ်အရွယ် Heikrujam Hitler Meitei (ခ) Rishi ဖြစ်ပြီး သူ့ကို Porompat ရဲစခန်းနယ်မြေ၊ Kongba Laishram Leikai ဒေသမှာ ဖမ်းမိခဲ့တာပါ။
သူဟာ Bishnupur ခရိုင်ဘက်ကနေ ရောက်လာတာဖြစ်ပါတယ်။
အဲဒီအပြင် SOREPA အဖွဲ့ဝင် အသက် ၄၂ နှစ်အရွယ် Loukrakpam Ibungo Meitei (ခ) John ဖြစ်ပြီး သူ့ကိုလည်း Porompat ရဲစခန်းနယ်မြေ၊ Kongpal Iranpham Thongkhong ဒေသမှာပဲ ဖမ်းဆီးရမိခဲ့တာပါ။
သူကတော့ အင်ဖာအနောက်ပိုင်းခရိုင်မှာ နေထိုင်သူဖြစ်ပါတယ်။
အခုလိုဖမ်းဆီးမှုတွေဟာ မဏိပူရမှာလုံခြုံရေးတင်းကျပ်ပြီး နယ်မြေစိုးမိုးမှုရဖို့စစ်ဆေးဖမ်းဆီးတာတွေ လုပ်ဆောင်နေတဲ့အခြေအနေမှာ ဖြစ်ပွားခဲ့တာပါ။
အဲ့ဒီဒေသမှာက လက်နက်ကိုင်အဖွဲ့အစည်းတွေနဲ့ လုံခြုံရေးတပ်ဖွဲ့တွေကြား တင်းမာမှုတွေရှိနေတဲ့အတွက် အခုလိုဖမ်းဆီးမှုတွေကလည်း မကြာခဏဆိုသလို ဖြစ်ပေါ်နေတာကို တွေ့ရပါတယ်။
