Border News Agency
အီရန်၊ ဧပြီ ၂၆။
ဟော်မုဇ်ရေလက်ကြားကို ဖြတ်သန်းနေတဲ့ ရေနံစည်ပေါင်းတဘီလီယံနီးပါး ဆုံးရှုံးနိုင်ခြေရှိနေတာကြောင့် ကမ္ဘာ့ရေနံလိုအပ်ချက် သိသိသာသာ ကျဆင်းသွားမယ့် အန္တရာယ်နဲ့ ရင်ဆိုင်နေရတယ်လို့ အမေရိကန်မီဒီယာတွေကို ကိုးကားပြီး အယ်လ်ဂျာဇီးယားသတင်းမှာ ဖော်ပြပါတယ်။
ခုလက်ရှိဖြစ်ပွားနေတဲ့ ပိတ်ဆို့မှုတွေကြောင့် ရေနံတင်သင်္ဘောတွေသွားလာရခက်ခဲနေပြီး ဒါဟာကမ္ဘာ့ရေနံကုန်သွယ်မှုရဲ့ အဓိကအကျဆုံး လမ်းကြောင်းတခုကို ခြိမ်းခြောက်နေတာလည်း ဖြစ်ပါတယ်။
ရေကြောင်းသွားလာမှု အချက်အလက်တွေအရ အဲဒီရေလက်ကြားဟာ ကမ္ဘာ့ရေနံစိမ်းတင်ပို့မှုရဲ့ ငါးပုံတပုံခန့် စီးဆင်းရာနေရာဖြစ်လို့ အခုလိုအနှောင့်အယှက်ဖြစ်ရတာဟာ နိုင်ငံတကာ စွမ်းအင်ဈေးကွက်ကို အကြီးအကျယ် ရိုက်ခတ်စေနိုင်ပါတယ်။
အမေရိကန်နဲ့ အီရန်ကြား တင်းမာမှုတွေကြောင့် ရေကြောင်းလုံခြုံရေး စိုးရိမ်ရတာအပြင် ရေနံတင်ပို့မှုတွေ ရပ်တန့်သွားနိုင်တဲ့အတွက် ဥရောပနဲ့ အာရှနိုင်ငံတွေမှာ စွမ်းအင်ပြတ်လပ်မှုတွေ ဖြစ်လာနိုင်တယ်လို့ ကျွမ်းကျင်သူတွေက သုံးသပ်နေကြတာပါ။
လတ်တလောမှာတော့ ဟော်မုဇ်ရေလက်ကြားအတွင်း ရေနံတင်သင်္ဘောတွေရဲ့ သွားလာမှု အခြေအနေကို နိုင်ငံတကာက စောင့်ကြည့်နေကြပြီး ဒီအကျပ်အတည်းကြောင့် ကမ္ဘာ့စီးပွားရေးအပေါ် ဆိုးကျိုးတွေ သက်ရောက်လာမှာကို စိုးရိမ်နေကြပါတယ်။
