Border News Agency
ရန်ကုန်၊ မေ ၁။
ဒီနေ့ကျရောက်တဲ့ ကမ္ဘာ့အလုပ်သမားနေ့မှာ အထွေထွေသပိတ်ပေါင်းစပ်ညှိနှိုင်းရေးအင်အားစု (GSCB) က မြန်မာအလုပ်သမားထု ခံစားနေရတဲ့ ဖိနှိပ်မှုတွေ ချက်ချင်းရပ်တန့်ဖို့တောင်းဆိုလိုက်ပါတယ်။
အလုပ်သမားနဲ့ လယ်သမားတွေဟာ ကုန်ဈေးနှုန်းကြီးမြင့်မှုဒဏ်ကို ဆိုးဆိုးရွားရွား ခံစားနေရရုံတင်မကဘဲ ကျေးလက်ဒေသတွေမှာ အဓမ္မလုပ်အားပေးခိုင်းစေတာနဲ့ စစ်မှုထမ်းဖို့ ခြိမ်းခြောက်ခံနေရတာတွေကြောင့် ဘဝတွေ ပျက်စီးနေရတယ်လို့ GSCB က ထောက်ပြထားပါတယ်။
အဲဒါကြောင့် အလုပ်သမားအခွင့်အရေးတွေပြန်ရဖို့၊အကြမ်းဖက်ဖိနှိပ်မှုတွေ ရပ်တန့်ဖို့နဲ့ လူ့အခွင့်အရေး ချိုးဖောက်သူတွေကို နိုင်ငံတကာက ထိရောက်စွာ အရေးယူပေးဖို့တောင်းဆိုထားပါတယ်။
ဒါ့အပြင် စစ်အာဏာရှင်စနစ်ကို ပံ့ပိုးနေတဲ့ စီးပွားရေးကွင်းဆက်တွေကို ဖြတ်တောက်ပြီး ဒီမိုကရေစီရတဲ့အထိ အလုပ်သမားထုနဲ့အတူ ဆက်လက်တိုက်ပွဲဝင်သွားမယ်လို့လည်းဆိုပါတယ်။
