Border News Agency
ဖလမ်း၊ မေ ၁။
ချင်းပြည်၊ ဖလမ်းမြို့နယ်မှာ မေလ ၁ရက်၊ဒီနေ့ အာဏာသိမ်းစစ်တပ်လေကြောင်းတိုက်ခိုက်လို့ အရပ်သားခြောက်ဦးသေဆုံးသွားပါတယ်။
အဲဒီဖလမ်းမြို့နယ်၊ ခေါပွီးချစ်ပ်ကျေးရွာကို မေလ ၁ ရက်၊ ဒီနေ့နေ့လည် ၃ နာ ရီ ၁၀ မိနစ်အချိန်ခန့်က အာဏာသိမ်းစစ်တပ်လေကြောင်းဗုံးကြဲတိုက်ခိုက်ခဲ့တာပါ။
အဲဒီလိုလေကြောင်းတိုက်ခိုက်လို့ ခေါပွီးချစ်ပ်ကျေးရွာနေ အရပ်သားခြောက်ဦးသေဆုံးပြီး ကိုးဦးဒဏ်ရာရသွားပါတယ်။
အဲဒီခေါပွီးချစ်ပ်ကျေးရွာက အသက်ဆယ်နှစ်အရွယ် Lalrinnunga၊အသက်ငါးနှစ်အရွယ် Lalhriatkima၊အသက်သုံးနှစ်အရွယ် Jedidia Lalduhsaka၊အသ က်နှစ်ဆယ်ကိုးနှစ်အရွယ် Lalnunfela၊ အသက်ငါးနှစ်အရွယ် Malsawmmawiaနဲ့ အသက်လေးနှစ်အရွယ် Lalhuapzaua သေဆုံးသွားပါတယ်။
အဲဒီအပြင်နောက်ထပ် ကိုးဦးဒဏ်ရာရသွားသလို လူနေအိမ်ဆယ်လုံးလည်းပျက်စီးသွားပါတယ်။
အဲဒီခေါပွီးချစ်ပ်ကျေးရွာဟာ ဖလမ်း-ရိဒ်လမ်းမကြီးနဲ့လေးမိုင်ခန့်ဝေးပေမယ့် အာဏာသိမ်းစစ်တပ်က ပစ်မှတ်ထားလေကြောင်းတိုက်ခိုက်ခဲ့နေတာပါ။
အာဏာသိမ်းစစ်တပ်ဟာ ရိဒ်ခေါရ်ဒါရ်မြို့ကိုလည်း ထိုးစစ်ဆင်ပြန်သိမ်းဖို့ပြင်ဆင်နေတာမို့ လေကြောင်းတိုက်ခိုက်နေတာဖြစ်နိုင်တယ်လို့ သုံးသပ်ပြောဆိုကြပါတယ်။
