Border News Agency
ကျောက်တော်၊ မေ ၇ ။
အာရက္ခတပ်တော်(AA)ထိန်းချုပ်ထားတဲ့ကျောက်တော်မြို့နယ်ကို မေလ ၇ ရက်နေ့၊ည ၁၀ နာရီအချိန်ခန့်ကစတင်ပြီးည ၁၁ နာရီကျော်အချိန်ထိအာဏာ သိမ်းစစ်တပ်လေကြောင်းတိုက်ခိုက်နေပါတယ်။
အဲဒီကျောက်တော်မြို့နယ်၊အာကာတောင်တောင်တန်းကို အာဏာသိမ်းစစ်တပ်ရဲ့တိုက်လေယာဥ်တွေအပါအဝင်စစ်တပ်ထောက်ပို့လေယာဥ် Y-12 နဲ့အကြိမ်ကြိမ်ဗုံးကြဲနေတာပါ။
အဲဒီလိုလေကြောင်းတိုက်ခိုက်မှုဟာအနည်းဆုံးအကြိမ်ရေတဆယ်ကျော်ထိပြုလုပ်ထားပြီး လေယာဥ်တွေဆက်ပျံဝဲနေပါတယ်။
အဲဒီအာဏာသိမ်းစစ်တပ်လေယာဥ်အုပ်စုကို အာရက္ခတပ်တော်ကလည်း စက်သေနတ်တွေနဲ့ပြန်လည်ပစ်ခတ်ခဲ့ပြီးအာဏာသိမ်းစစ်တပ်ဟာ ဗုံးအလုံးရေတရာကျော်ထိကြဲချပစ်ခတ်ခဲ့တယ်လို့ကျောက်တော်ဒေသခံတွေက ဆိုကြပါတယ်။
အဲဒီကျောက်တော်မြို့နယ်ကို မေလ ၄ ရက်နေ့၊နံနက်ဆယ်နာရီအချိန်ခန့်ကစ တင်ပြီးအာဏာသိမ်းစစ်တပ်လေယာဥ်အုပ်ကလေကြောင်းတိုက်ခိုက်ခဲ့ပါတယ်။
အဲဒီကျောက်တော်မြို့နယ်၊သံဖရာထောင့်ကျေးရွာနဲ့ဒက်ဖြူကျေးရွာအ နောက်ဘက်တောင်တန်းကို အာဏာသိ မ်းစစ်တပ်တိုက်လေယာဥ်တွေဟာတနာ ရီနီးပါးလေကြောင်းတိုက်ခိုက်ခဲ့တာပါ။
အဲဒီအပြင် မင်းပြားမြို့နယ်ကို မေလ ၇ ရက်၊ဒီနေ့၊နေ့လည်နှစ်နာရီကျော်အချိန်ခန့်ကစတင်ပြီအာဏာသိမ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီမင်းပြားမြို့နယ်၊ကျောက်ခုတ်ကျေးရွာအနီးရှိတောင်တန်းနဲ့သစ်ပုတ် တောင်ကို တိုက်လေယာဥ်တွေနဲ့တနာရီနီးပါဗုံးကြဲတိုက်ခိုက်ခဲ့တာပါ။
အဲဒီတောင်တန်းတွေကို တိုက်လေယာဥ်ခြောက်စီး၊Y-12 နှစ်စီးနဲ့အကြိမ်ကြိမ်ဗုံးကြဲတိုက်ခိုက်ခဲ့တာဖြစ်ပြီး အာဏာ သိမ်းစစ်တပ်ဟာ လေယာဥ်အုပ်စုလိုက်လာကာအုပ်စုလိုက်ဗုံးကြဲတာတွေ ပြုလုပ်နေတာဖြစ်ပါတယ်။
အာဏာသိမ်းစစ်တပ်ဟာ တိုက်လေယာဥ်တွေအုပ်လိုက်လာပြီးအစုလိုက်အပြုံလိုက်လေကြောင်းတိုက်ခိုက်တာတွေပြုလုပ်လာနေပြီး ဗုံးအလုံးရေရာနဲ့ချီသုံးကာအနည်းဆုံးတနာရီနီးပါးတိုက်ခိုက်နေတာဖြစ်ပါတယ်။
အဲဒီလိုတိုက်ခိုက်တာတွေကို တရားမဝင်ရွေးကောက်ပွဲနောက်ပိုင်းပိုမိုပြုလုပ်နေတာဖြစ်ပြီး အာရက္ခတပ်တော်ထိန်းချုပ်မြို့တွေကို တိုက်လေယာဥ်အုပ်လိုက်ဟာ အနည်းဆုံးအချိန်တနာရီခန့်ကြာဗုံးအလုံးရေရာနဲ့ချီကြဲချတိုက်လိုက်နေတာပါ။
