Border News Agency
ပလက်ဝ၊မေ ၈။
ချင်းပြည်၊ပလက်ဝခရိုင်အတွင်းမှာ သက်ငယ်မုဒိန်းမှုတွေ လျော့ကျသွားဖို့အတွက် ခရိုင်ပါတီနဲ့အုပ်ချုပ်ရေးဌာနက ဦးဆောင်ပြီး ကျေးရွာတွေအထိ ကွင်းဆင်းကာ အသိပညာပေး ဟောပြောတာတွေ လုပ်နေတယ်လို့သိရပါတယ်။
အဲဒီဟောပြောပွဲမှာ ကလေးငယ်တွေကို လိင်ပိုင်းဆိုင်ရာအကြမ်းဖက်မှုကနေ ဘယ်လိုကာကွယ်ရမလဲဆိုတဲ့အချက်တွေကို အဓိကထား ဆွေးနွေးခဲ့တာပါ။
ဟောပြောပွဲမှာ မိဘတွေ အလေးအနက် လိုက်နာရမယ့် အချက် ၇ ချက်ကို ထည့်သွင်းပြောကြားခဲ့ပြီး အဓိကအနေနဲ့ ကလေးရဲ့ ခန္ဓာကိုယ်အစိတ်အပိုင်းတွေကို မိဘကလွဲလို့ ဘယ်သူ့ကိုမှ ကိုင်တွယ်ခွင့်မပြုဖို့ သင်ပေးထားဖို့ လိုပါတယ်။
အဲဒီအပြင်နှုတ်ခမ်းနမ်းတာ၊ရင်သားနဲ့ လိင်အင်္ဂါတွေကို ကိုင်တွယ်တာမျိုးကို ပြတ်ပြတ်သားသား ငြင်းဆိုတတ်အောင် သင်ပေးရမှာဖြစ်သလို ကလေးရဲ့ သီးသန့်နေရာတွေကို ဓာတ်ပုံရိုက်ခွင့်ပေးတာမျိုးကိုလည်း လုံးဝခွင့်မပြုဖို့ သတိပေးထားပါတယ်။
အဲဒီ ကျူးလွန်သူတွေဟာ ကလေးကို ခြိမ်းခြောက်တာ ဒါမှမဟုတ် ကစားသလိုမျိုး လှည့်ဖျားတတ်တာကြောင့် ကလေးနဲ့ မိဘကြားမှာ ဘာလျှို့ဝှက်ချက်မှ မရှိဘဲ တခုခုဖြစ်တာနဲ့ အမြဲပြန်ပြောပြဖို့ သင်ပေးထားရမှာပါ။
နောက်ပြီး အဲဒီကျူးလွန်သူတွေဟာ သူစိမ်းတွေထက် ကလေးနဲ့ ရင်းနှီးကျွမ်းဝင်သူတွေဖြစ်တဲ့ ဆွေမျိုးသားချင်းတွေနဲ့ မိသားစုဝင်တွေ ဖြစ်နိုင်ခြေ ၉၃ ရာခိုင်နှုန်းအထိ ရှိနေတာကြောင့် ဘယ်သူ့ကိုမဆို သတိထားဖို့လည်း တိုက်တွန်းထားပါတယ်။
မိဘတွေအနေနဲ့ ကလေးကို ဘယ်တော့မှ တယောက်တည်း မထားဖို့ကလည်း အရေးကြီးတဲ့ အချက်တခုဖြစ်ပါတယ်။
ကလေးကို ခိုင်းစရာရှိလို့ တယောက်တည်း လွှတ်တာ၊အဝေးမှာရှိတဲ့ အိမ်သာကို တယောက်တည်း သွားခိုင်းတာနဲ့ မှောင်ရီပျိုးစအချိန်တွေမှာ
