Border News Agency
မင်းပြား၊မေ ၁၃။
အာရက္ခတပ်တော်(AA)ထိန်းချုပ်ထားတဲ့မင်းပြားမြို့နယ်၊ကမ်းနီရွာမှာ မေလ ၈ ရက်နေ့က မိခင်တဦးကနေ သုံးမြွှာပူးကလေးတွေ မွေးဖွားခဲ့တယ်လို့ သိရပါတယ်။
အဲဒီ သုံးမြွှာပူးကလေးတွေကို ကမ်းနီရွာမှ ဦးမောင်ယေချေနဲ့ဒေါ်အေးအေးငြိမ်းတို့က မွေးဖွားခဲ့တာပါ။
မေလ ၈ ရက်၊ နေ့လည် ၁ နာရီမှာ သားယောက်ျားလေးတဦးကိုအရင်မွေးဖွားခဲ့ပြီး ည ၁၀ နာရီ ၃၅ မိနစ်မှာ နောက်ထပ် သားယောက်ျားလေးတဦးကို ထပ်မံမွေးဖွားခဲ့ပါတယ်။
အဲဒီနောက် ၁၀ နာရီ ၃၇ မိနစ်မှာ သမီးမိန်းကလေးတဦး ထပ်ပြီးမွေးဖွားခဲ့တာကြောင့် စုစုပေါင်း သားနှစ်ဦးနဲ့ သမီးတဦး ရရှိခဲ့တာပါ။
အဲဒီမိခင်နဲ့ ကလေးငယ်တွေအားလုံး ကျန်းကျန်းမာမာရှိနေတယ်လို့သိရပါတယ်။
အဲဒီ သုံးမြွှာပူးကလေးတွေ မွေးဖွားခဲ့တဲ့ မိသားစုကို ရက္ခိုင်အမျိုးသားအဖွဲ့ချုပ် (ULA) ကနေ ငွေကျပ် ၁၀ သိန်း သွားရောက်ကူညီထောက်ပံ့ပေးခဲ့ပါတယ်။
ကလေးမိဘတွေနဲ့ မိသားစုဝင်တွေကတော့ အခုလို ထောက်ပံ့မှုအပေါ် ကျေးဇူးတင်ဝမ်းမြောက်နေကြတယ်လို့ သိရပါတယ်။
