Border News Agency
ကော့သောင်း၊ မေ ၁၇။
တနင်္သာရီဒေသ၊ ကော့သောင်းမြို့နယ်မှာ မေလ ၁၃ရက်နေ့က တော်လှန်ရေးတပ်ဖွဲ့ဝင်တွေမှ အာဏာသိမ်းစစ်တပ်လမ်းပြအုပ်ချုပ်ရေးမှူးကို ဖမ်းမိခဲ့တယ်လို့ ကော့သောင်းမြို့နယ် ပြည်သူ့ကာကွယ်ရေးအဖွဲ့က မေလ ၁၆ ရက်၊ မနေ့ကထုတ်ပြန်ပါတယ်။
အာဏာသိမ်းစစ်တပ်လမ်းပြအုပ်ချုပ်ရေးမှူးဟာ စစ်ဆေးနေချိန်ရုန်းကန်ထွက်ပြေးခဲ့ပြီး မြို့နယ်ပကဖမှ လိုက်လံပစ်ခတ်ခဲ့လို့ ကျည်ထိမှန်သေဆုံးသွားခဲ့တယ်လို့ ဆိုပါတယ်။
ကော့သောင်း – နမ္မသွန်လမ်းပိုင်းတနေရာမှာ နယ်မြေရှင်းလင်းရေးဆောင်ရွက်နေချိန် အေးမြသာယာရွာမှ စစ်တပ်လက်ပါးစေအုပ်ချုပ်ရေးမှူး အသက်၄၄နှစ်အရွယ် စိုးထိုက်ရဲ့ကားကို တော်လှန်ရေးတပ်ဖွဲ့ဝင်တွေက ဖမ်းဆီးခဲ့တယ်လို့ဆိုပါတယ်။
စိုးထိုက်ရဲ့ကားကိုစစ်ဆေးတဲ့အခါမှာ တော်လှန်ရေးတပ်ဖွဲ့ဝင်ယူနီဖောင်း ၁၀ စုံ၊ ဖိနပ် ၃ ရံ၊ ဘတ်တံဆိပ်မျိုးစုံ ၈ ခုနဲ့ ကျည်ကာတစုံတို့ကိုတွေ့ရှိခဲ့တယ်လို့ ဆိုပါတယ်။
