Border News Agency
စစ်ကိုင်း၊ မေ ၂၁။
စစ်ကိုင်းတိုင်း၊ ရွှေဘိုခရိုင်၊ ဒီပဲယင်းမြို့နယ်အတွင်း စတားလင့်အင်တာနက် သုံးစွဲနေတာတွေကို အမျိုးသားညီညွတ်ရေးအစိုးရရဲ့ ရုံးလုပ်ငန်းသုံးနေရာတွေကလွဲပြီး မေလ ၂၁ ရက်၊ ဒီနေ့ကစလို့ သုံးစွဲခွင့်ပိတ်သိမ်းလိုက်တယ်လို့ မြို့နယ်ပြည်သူ့အုပ်ချုပ်ရေးအဖွဲ့က အမိန့်ထုတ်ပြန်ပါတယ်။
စစ်ရေးကာလအတွင်း ထုတ်ပြန်ထားတဲ့ စစ်သတင်းလုံခြုံရေး စည်းကမ်းချက်တွေအရ အခုလိုပိတ်သိမ်းတာဖြစ်ပြီး ပိတ်ထားတဲ့ကာလအတွင်း ခွင့်ပြုချက်မရှိဘဲ ဖွင့်လှစ်သုံးစွဲတာတွေ့ရှိရင် သတိပေးတာ၊သိမ်းဆည်းတာနဲ့ ဥပဒေအရအရေးယူတာတွေ လုပ်ဆောင်သွားမယ်လို့ဆိုပါတယ်။
ဒါပေမယ့်ပညာရေးအတွက် လိုအပ်ချက်အရ အသုံးပြုနေသူတွေကိုတော့ ပညာရေးဌာနရဲ့ သတ်မှတ်ချက်နဲ့အညီ သီးသန့်နေရာတွေမှာ သုံးစွဲခွင့်ပြုမှာဖြစ်ပြီး တခြားအရပ်သားတွေ အသုံးမပြုနိုင်အောင်သက်ဆိုင်ရာဌာနက တာဝန်ယူရမယ်လို့ဆိုပါတယ်။
စစ်သတင်းလုံခြုံရေး ပူးပေါင်းလိုက်နာမှုတွေရှိခဲ့လို့ အာဏာသိမ်းစစ်တပ်က သတင်းအချက်အလက် ရယူဖို့ ခက်ခဲခဲ့ပြီးတော်လှန်ရေးအဖွဲ့တွေအန္တရာယ်ကင်းကင်း ဆောင်ရွက်နိုင်ခဲ့တာတွေရှိခဲ့တယ်လို့လည်း ဆိုပါတယ်။
အခုထုတ်ပြန်ထားတဲ့ ပိတ်ပင်ချက်ကို မိမိတို့ရပ်ကွက်နဲ့ ကျေးရွာတွေအလိုက် ပြည်သူတွေလိုက်နာကြဖို့ ကျေးရွာပအဖနဲ့ ခေါင်းဆောင်တွေက ပူးပေါင်းတာဝန်ယူကြပ်မတ်ရမှာဖြစ်ပြီး မလိုက်နာရင် တည်ဆဲဥပဒေအရ ပြင်းထန်စွာအရေးယူခံရမယ်လို့လည်း သတိပေးထားပါတယ်။
