Border News Agency
လက်ဘနွန်၊ မေ ၂၇။
လက်ဘနွန်တောင်ပိုင်းနဲ့ အရှေ့ပိုင်းဒေသတွေကို အစ္စရေးစစ်တပ်က စစ်ဆင်ရေးတွေအရှိန်မြှင့်လုပ်ဆောင်ပြီး ဒေသခံတွေကိုအဓမ္မရွှေ့ပြောင်းခိုင်းခဲ့ရာ မေလ ၂၆ ရက်နေ့က လေကြောင်းတိုက်ခိုက်မှုတွေကြောင့် အနည်းဆုံး လူ ၃၁ ဦး သေဆုံးပြီး ၄၀ ဦး ဒဏ်ရာရရှိခဲ့ပါတယ်။
အဲဒီလက်ဘနွန်တောင်ပိုင်း၊ တိုင်ယာမြို့ရှိ Al Jazeera သတင်းထောက်ရဲ့ ပြောပြချက်အရ အစ္စရေးရဲ့တိုက်ခိုက်မှုတွေ ပြင်းထန်လာတာကြောင့် အပစ်အခတ်ရပ်စဲရေး မျှော်လင့်ချက်တွေလုံးဝပျက်ပြယ်သွားပြီး ပြည်သူတွေအကြား ထိတ်လန့်မှုတွေကူးစက်ကာ ထပ်မံထွက်ပြေးတိမ်းရှောင်နေကြရတယ်လို့ သိရပါတယ်။
တဖက်မှာလည်း ဟော်မုဇ်ရေလက်ကြာအနီး ဟော်မိုဇဂန်ပြည်နယ်ရှိ ဒုံးကျည်စခန်းတွေကို အမေရိကန်ကတိုက်ခိုက်ခဲ့တဲ့အပေါ် အီရန်အစိုးရက အပစ်အခတ်ရပ်စဲရေးကို ပြောင်ပြောင်တင်းတင်း ချိုးဖောက်တာလို့ ပြစ်တင်ရှုတ်ချခဲ့ပါတယ်။
အမေရိကန်နိုင်ငံခြားရေးဝန်ကြီး မာကိုရူဘီယိုက အီရန်နဲ့ ငြိမ်းချမ်းရေးသဘောတူညီချက် ရရှိနိုင်ဆဲလို့ပြောခဲ့သလို အီရန်ဘက်ကတော့ စစ်ပွဲအတွင်း ပိတ်ဆို့ခံထားရတဲ့ သူတို့ရဲ့ရန်ပုံငွေအမေရိကန်ဒေါ်လာ ၂၄ ဘီလီယံကို ပြန်လည်ထုတ်ပေးဖို့ ဆွေးနွေးပွဲတွေမှာ တောင်းဆိုထားပါတယ်။
အစ္စရေးဝန်ကြီးချုပ် နေတန်ယာဟုကတော့ လက်ဘနွန်အတွင်း စစ်ဆင်ရေးတွေကို ပိုမိုနက်ရှိုင်းစွာလုပ်ဆောင်နေပြီး ဟစ်ဇဘိုလာဒရုန်းတွေကို နှိမ်နင်းကာ လုံခြုံရေးဇုန်ကို တိုးချဲ့သွားမယ်လို့ဆိုပါတယ်။
အဲဒီအပြင်အမေရိကန်တိုက်လေယာဉ်တွေဟာ အစ္စရေးလေဆိပ်တွေမှာ မကြုံစဖူး အများအပြားအခြေစိုက်ထားဆဲဖြစ်ပြီး အမေရိကန်ဒီမိုကရက်တစ် အမတ်ကိုရီဘွတ်ကာ ကတော့ သမ္မတဒေါ်နယ်ထရမ့်ရဲ့ အီရန်ဗျူဟာဟာ မအောင်မြင်ဘဲ အမေရိကန်ကို ပိတ်မိတဲ့ အခြေအနေဆိုးထဲရောက်ရှိစေခဲ့တယ်လို့ ဝေဖန်ပြစ်တင်ထားပါတယ်။
