Border News Agency
ထိုင်း၊ မေ ၂၈။
အာဖရိကတိုက်က နိုင်ငံပေါင်း ၁၀ နိုင်ငံမှာ ပိုမိုဆိုးရွားလာနေတဲ့ အီဘိုလာရောဂါပိုးဟာ ထိန်းချုပ်ဖို့ကြိုးစားနေပေမယ့်လည်း ပိုပြီးတော့ လျင်လျင်မြန်မြန်ပျံ့နှံ့နေတယ်လို့ ကမ္ဘာ့ကျန်းမာရေးအဖွဲ့ (WHO) ညွှန်ကြားရေးမှူးချုပ် Tedros Adhanom Ghebreyesus သတိပေးပြောဆိုလိုက်ပါတယ်။
အဲဒီကွန်ဂိုနဲ့ ယူဂန်ဒါနိုင်ငံတို့မှာ လျင်မြန်စွာဖြစ်ပွားနေတဲ့ အီဘိုလာရောဂါကြောင့် လက်ရှိအချိန်အထိ သေဆုံးသူအရေအတွက်ဟာ ၂၂၀ ဦးအထိရှိလာပြီလို့ WHO အကြီးအကဲက တနင်္လာနေ့မှာပြောကြားခဲ့တာပါ။
အာဖရိကမှာ လူကိုသေစေနိုင်တဲ့ ဒီဗိုင်းရပ်စ်ပိုး နောက်ဆုံးမျိုးကွဲပျံ့နှံ့နေတာကြောင့် မြန်မာနိုင်ငံရဲ့အိမ်နီးချင်း ထိုင်းနိုင်ငံမှာတော့ ပြည်တွင်းကို ဝင်ရောက်လာသူတွေကို လေဆိပ်တွေမှာ သေချာစစ်ဆေးမှုတွေလုပ်ဆောင်နေပါတယ်။
အဲဒီထိုင်းနိုင်ငံထဲမှာ အီဘိုလာကူးစက်ခံရသူ တစုံတရာမတွေ့ရှိရသေးပေမယ့်လည်း ရောဂါပိုးဝင်ရောက်မလာစေဖို့အတွက် ကြိုတင်ကာကွယ်မှုတွေကိုတော့ အထူးတိုးမြှင့်လုပ်ဆောင်နေတယ်လို့ သိရပါတယ်။
ဒီဗိုင်းရပ်စ်ပိုးဟာ ကူးစက်ခံရရင် သေဆုံးနိုင်ခြေအလွန်မြင့်မားတာကြောင့် အိမ်နီးချင်းနိုင်ငံတွေအပြင် ဒေသတွင်းနိုင်ငံတွေမှာလည်း လေဆိပ်နဲ့ နယ်စပ်ဂိတ်တွေကတဆင့် အဝင်အထွက်စောင့်ကြည့်စစ်ဆေးမှုတွေကို တင်းကျပ်ထားကြပါတယ်။
