Border News Agency
မင်းတပ်၊ဇွန် ၂၉။
ချင်းပြည်သူ့တပ်မတော်ထိန်းချုပ်ထားတဲ့မင်းတပ်မြို့နယ်ကို အာဏာသိမ်းစစ်တပ်နေ့စဥ်ရက်ဆက်လေကြောင်းတိုက်ခိုက်နေပါတယ်။
အဲဒီမင်းတပ်မြို့နယ်ကို ဇွန်လ ၂၉ ရက်၊ဒီနေ့ညနေငါးနာရီကျော်အချိန်ကလည်းလေကြောင်းတိုက်ခိုက်မှုနှစ်ကြိမ်ပြုလုပ်ခဲ့ပါတယ်။
အဲဒီမင်းတပ်မြို့နယ်၊အမှတ် ၄ တိုက်န ယ်၊ရှိမ်းရွာကို ဇွန်လ ၂၉ ရက်၊ဒီနေ့အာ ဏာသိမ်းစစ်တပ်လေကြောင်းတိုက်ခို က်လို့ မိန်းကလေးငယ်သုံးဦးသေဆုံးသွားပါတယ်။
အဲဒီရှိမ်းရွာထဲကိုကျရောက်ပေါက်ကွဲပြီးအသက်ခုနှစ်အရွယ်မိန်းကလေးင ယ်တဦး၊အသက်ရှစ်နှစ်အရွယ်မိန်းကလေးငယ်တဦး၊အသက်ကိုးနှစ်အရွယ်မိန်းကလေးငယ်တဦးသေဆုံးသွားခဲ့တာလို့ ဒေသခံတွေက ဆိုကြပါတယ်။
အဲဒီမင်းတပ်မှာ ချင်းပြည်သူ့တပ်မ တော်နဲ့အတူ ခုခံတိုက်ခိုက်ပေးနေတယ်လို့ အာရက္ခတပ်တော်ထုတ်ပြန်ပါတယ် ။
အဲဒီချင်းပြည်သူ့တပ်မတော်ထိန်းချုပ်နယ်မြေတွေဟာ အာရက္ခတပ်တော်ထိ န်းချုပ်နယ်မြေတွေနဲ့ဆက်စပ်နေသလိုမတူပီ၊မင်းတပ်၊ကန်ပက်လက်၊ကျင်ဒွေးစတဲ့မြို့သိမ်းတိုက်ပွဲတွေတုန်းကလ ည်း အာရက္ခတပ်တော်စစ်ကူပေးတိုက်ပေးခဲ့တာပါ။
အဲဒီချင်းပြည်သူ့တပ်မတော်ထိန်းချုပ်နယ်မြေတွေမှာ အာရက္ခတပ်တော်လ ည်းစစ်ရေးလှုပ်ရှားနေသလို နဂါးစစ်ဒေ သအမည်နဲ့သီးခြားစစ်ဒေသဖွဲ့ပြီးစစ်ရေးတော်တဲ့စစ်ဒေသမှူးဦးဆောင်နေတယ်လို့ဆိုကြပါတယ်။
အဲဒါကြောင့် ချင်းပြည်သူ့တပ်မတော်ထိန်းချုပ်နယ်မြေတွေမှာ အာရက္ခတပ်တော်တပ်ဖွဲ့ဝင်အင်အားထောင်နဲ့ချီရှိနေပြီး အာဏာသိမ်းစစ်တပ်ရဲ့အင်အားထောင်နဲ့ချီထိုးစစ်တွေကို ခုခံကာကွယ်နိုင်နေတာပါ။
အဲဒီမင်းတပ်ကို အာ ဏာသိမ်းစစ်တပ်ပြန်ထိန်းချုပ်နိုင်သွားရင် မတူပီနဲ့ကျင်ဒွေးကို ပြန်တိုက်ပြီး ဆမီးနဲ့ပလက်ဝကိုပြန်သိမ်းမယ့်ဗျူဟာလို့ တော်လှန်ရေးအဖွဲ့တွေ ဆိုကြပါတယ်။
အဲဒါကြောင့် အာဏာသိမ်းစစ်တပ်ဟာဆောနဲ့ကျောက်ထုကိုအခြေပြုအင်အားဖြည့်တင်းပြီး မင်းတပ်နဲ့ကန်ပက်လက်ကို နေ့စဥ်ရက်ဆက်အပြင်းအထန်ထိုးစစ်ဆင်နေပေမယ့် ရှေ့တိုးမရဘဲသေဆုံးဒဏ်ရာရသူတွေများနေတယ်လို့ မြေပြင်သတင်းရင်းမြစ်တွေက ဆိုကြပါတယ်။
