Border News Agency
ကျန်ဖိုင်း၊ဇူလိုင် ၁၇။
အိန္ဒိယ-မြန်မာနယ်စပ်၊မီဇိုရမ်ပြည်နယ်၊ကျန်ဖိုင်းမြို့ပေါ်မှာ အမျိုးသမီးလိင်လုပ်သားတရာနီးပါးနဲ့အမျိုးသားချင်း လိင်တူဆက်ဆံသူခြောက်ဆယ်ခန့်ထိ ရှိနေတယ်လို့ Champhai Sub-Hqrs. YMA (Young Mizo Association) မူးယစ်ဆေးဝါးဆိုင်ရာကော်မတီက ထုတ်ပြောပါတယ်။
အဲဒီကျန်ဖိုင်းမြို့မှာ ဇူလိုင်လ ၁၆ ရက်နေ့ကဘုရားကျောင်းခေါင်းဆောင်တွေ၊ သင်းအုပ်ဆရာတွေနဲ့ YMA ပြုလုပ်တဲ့ မူးယစ်ဆေးဝါးတိုက်ဖျက်ရေးဆွေးနွေး
ခဲ့ကြပြီး အဲဒီစစ်တမ်းအချက်အလက်တွေကို ချပြတာပါ။
အဲဒီမြို့မှာမူးယစ်ဆေးဝါးအကြောထဲထိုးသွင်းသုံးစွဲသူတထောင်ကျော်ထိရှိနေပြီး ဆေးစတင်သုံးစွဲသူ အသစ်တွေလည်း ဆက်တိုက်တိုးလာနေတာမို့ သူတို့ကိုဘုရားကျောင်းတွေနဲ့ ရပ်ရွာလူထုပေါင်းပြီး စောင့်ကြည့်ကူညီမှုတွေလုပ်နေရတယ်လို့ ဆိုပါတယ်။
အဲဒီအပြင် ဒီနှစ်မှာ YMA ဟာ စိတ်ကြွ ဆေးပြား နှစ်ဆယ့်လေးကီလိုဂရမ်၊ဟီးရိုးအင်းဆယ်ထုပ်နဲ့တရားမဝင်အရက်နှစ်ရာလီတာကျော်ဖမ်းမိခဲ့တယ်လို့ ဆိုပါတယ်။
အဲဒီမူးယစ်ဆေးဝါးနဲ့ဆက်နွှယ်သူလေးဆယ်ရှစ်ဦးကို ဖမ်းဆီးပြီး ထောင်ချတာနဲ့ပြန်လည်ထူထောင်ရေးစင်တာတွေကိုပို့ခဲ့တယ်လို့သိရပါတယ်။
