Border News Agency
ရုရှား၊ဇူလိုင် ၂၃။
ရုရှားနိုင်ငံရဲ့အကြီးဆုံး အွန်လိုင်းစျေးဝယ်လုပ်ငန်းရဲ့ ကုန်စည်ပို့ဆောင်ရေးဗဟိုဌာနတွေဖြစ်တဲ့ Krasnodar နဲ့ Nevinnomyssk ရှိ ဂိုဒေါင်တွေကို ဇူလိုင်လ ၂၂ ရက်၊ညနေ့ပိုင်းမှာ ယူကရိန်းလေကြောင်းတိုက်ခိုက်ခဲ့တာကြောင့် လူဆယ့်ငါးဦးဒဏ်ရာရပြီး မီးလောင်ကျွမ်းတွေဖြစ်ခဲ့ပါတယ်။
အဲဒီတိုက်ခိုက်မှုကြောင့် Krasnodar ဒေသမှာသုံးဦးစိုးရိမ်ရအပါအဝင် လူဆယ် ဦး ဒဏ်ရာရပြီး Nevinnomyssk မြို့ပြင်ရှိ ဂိုဒေါင်မှာငါးဦးဒဏ်ရာရတ ယ်လို့ ဒေသဆိုင်ရာအုပ်ချုပ်ရေးမှူးတွေက ပြောပါတယ်။
ယူကရိန်းသမ္မတ ဇယ်လန်းစကီးက တပ်မတော် ကာကွယ်ရေးဦးစီးချုပ် ဗိုလ်ချုပ်ကြီး Oleksandr Syrskyi ကို ရာထူးမှထုတ်ပြီး ဒုတိယဗိုလ်ချုပ်ကြီး Mykhailo Drapatyi နဲ့အစားထိုးလိုက်ပြီးနောက် နာရီပိုင်းအကြာမှာတိုက်ခိုက်မှုတာဖြစ်ပါတယ်။
အဲဒီကုမ္ပဏီရဲ့ မော်စကိုအနီး Elektrostal နဲ့ Tambov ဒေသရှိ ဂိုဒေါင်တွေ မကြာခင်ကလည်းတိုက်ခိုက်ခံခဲ့ရပြီး အပျက်အစီး ပမာဏမှာ ပေါင် ၁.၅ ဘီလီယံခန့် ရှိခဲ့သလို တိုက်ခိုက်မှုကြောင့် ဖြစ်ပေါ်လာတဲ့ ပျက်စီးဆုံးရှုံးမှု ပမာဏမှာလည်း ပေါင် ၁ ဘီလီယံကျော် ရှိနိုင်တယ်လို့ဆိုပါတယ်။
အဲဒီအွန်လိုင်းစျေးဝယ်လုပ်ငန်းဟာ ရု ရှားစစ်တပ်အတွက် ထောက်ပံ့ပို့ဆောင်ပေးနေတယ်လို့စွပ်စွဲထားပြီးတိုက်ခိုက်မှုတွေဟာ စီးပွားရေးအရအကျပ်အတည်းဖြစ်နေတဲ့ ပူတင်အစိုးရအတွက် ပိုမိုဖိအားဖြစ်စေခဲ့ပါတယ်။
