Border News Agency
သံတွဲ၊ သြဂုတ် ၃။
သံတွဲမြို့ကို ဩဂုတ်လ ၃ ရက်၊ ဒီနေ့ မနက်က ၁၀ နာရီ ၂၀ မိနစ်အချိန်က အာဏာသိမ်းစစ်တပ်တိုက်လေယာဉ်တွေနဲ့ အုပ်စုလိုက်လေကြောင်းတိုက်ခိုက်နေတယ်လို့ အာရက္ခတပ်တော် (AA) ကထုတ်ပြန်ပါတယ်။
အာဏာသိမ်းစစ်တပ်ဟာ သံတွဲမြို့နယ်အတွင်းရှိ ပြည်သူတွေ နေထိုင်ရာနေရာတွေကိုပစ်မှတ်ထားပြီး လေကြောင်းကနေဆက်တိုက် တိုက်ခိုက်နေတာဖြစ်ပြီး ခုအချိန်အထိလည်း တိုက်ခိုက်မှုတွေ ဆက်လုပ်နေတုန်းပဲလို့ဆိုပါတယ်။
လေကြောင်းတိုက်ခိုက်မှုကြောင့် ထိခိုက်ဒဏ်ရာရရှိမှုနဲ့ ပျက်စီးဆုံးရှုံးမှု အခြေအနေအသေးစိတ် နောက်ဆက်တွဲဖြစ်စဉ်တွေကိုတော့အာရက္ခတပ်တော်ရဲ့ သတင်းနဲ့ ပြန်ကြားရေးက ဆက်လက်ထုတ်ပြန်ပေးသွားမယ်လို့ ဆိုပါတယ်။
