Border News Agency
မလေးရှား၊ ဩဂုတ် ၈။
မလေးရှားနိုင်ငံ၊ ဂျိုဟိုးပြည်နယ်၊ တာမန်ဆန်တိုဆာဒေသရှိ နာမည်ကြီးစားသောက်ဆိုင်တဆိုင်မှာ ဩဂုတ်လ ၇ ရက်၊ နေ့လယ် ၁၂ နာရီအချိန်ခန့်က မြန်မာနိုင်ငံသားသုံးဆယ်ငါးဦးအပါအဝင် နိုင်ငံခြားသားသုံးဆယ်ခုနှစ်ဦးကို လူဝင်မှုကြီးကြပ်ရေးဦးစီးဌာနဖမ်းဆီးခဲ့ပါတယ်။
အဲဒီမှာအသက်တဆယ့်ကိုးနှစ်မှ လေးနှစ်ကိုးနှစ်အတွင်းရှိ မြန်မာအမျိုးသမီးနှစ်ဆယ့်ကိုးဦး၊ မြန်မာအမျိုးသားခြောက်ဦး၊ ဗီယက်နမ်အမျိုးသားတဦးနဲ့ ဘင်္ဂလားဒေ့ရှ်အမျိုးသားတဦးပါဝင်ပါတယ်။
သူတို့ဟာလူဝင်မှုကြီးကြပ်ရေး ဥပဒေချိုးဖောက်မှုတွေနဲ့ နိုင်ငံခြားသားအလုပ်သမားသုံးဆယ်ခုနှစ်ဦးကို ဖမ်းဆီးခဲ့တာပါ။
သူတို့ကို ၁၉၅၉/၆၃ လူဝင်မှုကြီးကြပ်ရေးအက်ဥပဒေနဲ့ ၁၉၆၃ လူဝင်မှုကြီး ကြပ်ရေးစည်းမျဉ်းတွေအရ အရေးယူသွားမှာဖြစ်ပြီး သူတို့ကို စစ်ဆေးမေးမြန်းဖို့အတွက် ဆီတီယာထရိုပီကာလူဝင်မှုကြီးကြပ်ရေးစခန်းကို ပို့ဆောင်ထားပါတယ်။
