Border News Agency
ကိုလံဘီယာ၊ သြဂုတ် ၁၃။
ကိုလံဘီယာနိုင်ငံမှာ သြဂုတ်လ ၁၀ ရက်နေ့ကလှုပ်ခတ်ခဲ့တဲ့ ပြင်းအား ခုနှစ် ဒသမလေး အဆင့်ရှိငလျင်ကြောင့် သေဆုံးသူဦးရေဟာ နှစ်ရာခြောက်ဆယ့်ငါးဦးအထိ မြင့်တက်လာခဲ့ပြီး သုံးထောင်ငါးရာကျော်ဒဏ်ရာရရှိခဲ့ပါတယ်။
အဲဒီငလျင်ဟာ ဒီရာစုနှစ်အတွင်း ကိုလံဘီယာမှာ အပြင်းထန်ဆုံးလှုပ်ခတ်ခဲ့တာဖြစ်ပြီး လက်ရှိမှာ လူပေါင်းငါးရာ နီးပါး ပျောက်ဆုံးနေဆဲဖြစ်သလို နေအိမ်ကိုးထောင်ငါးရာငါးဆယ်ကျော် ပျက်စီးခဲ့ရတာပါ။
အဲဒီအပြင် အပျက်အစီးတွေအောက်က ပျောက်ဆုံးနေသူတွေကို ရှာဖွေရေးလုပ်ငန်းစဉ်မှာ အရေးအပါဆုံးဖြစ်တဲ့ ခုနှစ်ဆယ့်နှစ်နာရီနီးပါးကြာမြင့်လာပြီဖြစ်တာကြောင့် အသက်ရှင်ကျန်ရစ်သူတွေရှာဖွေရေးဟာ နောက်ဆုံးအဆင့်သို့ ရောက်ရှိလာပြီလို့ အာဏာပိုင်တွေက အသိပေးထားပါတယ်။
ထိခိုက်ပျက်စီးမှုအများဆုံးမြို့တွေဖြစ်တဲ့ ပယ်ရေးရားမြို့မှာ ရှစ်ဆယ့်သုံးဦးနဲ့ ကာလီမြို့မှာ ခုနှစ်ဆယ့်လေးဦးအထိ သေဆုံးခဲ့ပါတယ်။
ကိုလံဘီယာသမ္မတသစ် အာဘီလာဒို ဒီလာ အက်စပရီလာက အရေးပေါ်စီးပွားရေးအခြေအနေကြေညာထားပြီး ပျက်စီးသွားတဲ့ ဆေးရုံတွေ၊စာသင်ကျောင်းတွေနဲ့ အခြေခံအဆောက်အအုံတွေကို ပြန်လည်တည်ဆောက်ဖို့အတွက် အရေးပေါ် ရန်ပုံငွေတရပ်ထူထောင်သွားမယ်လို့ ပြောဆိုထားပါတယ်။
