အာရက္ခတပ်တော်(AA)သိမ်းပိုက်ထိန်းချုပ်ထားတဲ့မြို့နယ်တွေမှာ မတ်လ ၁ ရက်နေ့မှမတ်လ ၁၄ ရက်နေ့၊ဒီနေ့ထိ နှစ်ပတ်အတွင်း မြေမြုပ်မိုင်းနင်းမိလို့ အရပ်သားငါးဦးထိခိုက်ဒဏ်ရာရခဲ့ပါတယ်။

အဲဒီဒဏ်ရာရသူတွေဟာ အာရက္ခတပ်တော်ထိန်းချုပ်ထားတဲ့ မောင်တော၊မင်းပြား၊တောင်ကုတ်၊အမ်းမြို့နယ်တွေက ဖြစ်ကြပါတယ်။

မောင်တောမြို့၊ လသာရပ်ကွက်နေအသက်လေးဆယ်လေးနှစ်အရွယ်အဒူလာဟော့လ်ဟာ မတ်လ ၁၄ ရက်၊ ဒီနေ့ နေ့လည်က ရွှေဇားချောင်းကမ်းဖက်ကို ငါရှာသွားရင်းစစ်ကောင်စီတပ်ထောင်ထားခဲ့တဲ့ မြေမြုပ်မိုင်းနင်းမိလို့ ဘယ်ဖက်ခြေထောက်ပြတ်ထွက်သွားတယ်လို့ ဒေသခံတွေက ဆိုကြပါတယ်။

နောက်ပြီး မောင်တောမြို့နယ်၊ရွှေဇားအနောက်ရွာမှာ မတ်လ ၁၃ ရက်ရက်နေ့ကလည်း ငါးရှာဖို့သွားရင်းနဲ့စစ်ကောင် စီတပ်တောင်ထားခဲ့တဲ့မြေမြုပ်မိုင်းနင်းမိလို့အသက်တဆယ့်ရှစ်နှစ်အရွယ် မာမောက်ယာဆိမ့်မှာဘယ်ဖက်ခြေထောက်ပြတ်ထွက်သွားသလို မိုင်းစထိမှန်ပြီး ဘယ်ဖက်မျက်လုံးတဖက်လည်းကွယ်သွားတယ်လို့ ရွာသားတွေကဆိုကြပါတယ်။

အဲဒီအပြင်အမ်းမြို့နယ်၊ပြုတ်ကျွန်းရွာမှာ မတ်လ ၁၂ ရက်နေ့ကလည်း ထင်းခုတ်ဖို့သွားရင်းနဲ့စစ်ကောင်စီတပ်ထောင်ထားခဲ့တဲ့ မြေမြုပ်မိုင်းနင်းမိလို့ အသက်ငါးဆယ်ငါးနှစ်အရွယ် ဦးညီညီမှာ ဘယ်ဖက်ခြေထောက်ပြတ်ထွက်သွားပြီး မျက်နှာတခုလုံးမှာလည်းမိုင်းစထိမှန်ကာ ဒဏ်ရာပြင်းပြင်းထန်ထန်ရသွားတယ်လို့ ဒေသခံတွေက ဆိုကြပါတယ်။

နောက်ပြီး တောင်ကုတ်မြို့၊ ကံပိုင်ရပ်ကွက်မှာ မတ်လ ၁၁ ရက်၊နေ့လည် ၁၂ နာရီ ၄၀ မိနစ်က အမှတ် ၅ စစ်ဆင်ရေးကွပ်ကွဲမှုဌာနချုပ်အနီးကို ဟင်းရှာသွားရင်းနဲ့ စစ်ကောင်စီထောင်ထားခဲ့တဲ့မြေမြုပ်မိုင်းနင်းမိလို့ အသက်သုံးဆယ်လေးနှစ်အရွယ် ဦးမောင်ဌေးဝင်းမှာ ဘယ်ဖက်ခြေထောက်ပြတ်ထွက်သွားခဲ့ပါတယ်။

အဲဒီမင်းပြားမြို့၊ စျေးဟောင်းပိုင်းရပ်ကွက်မှာ မတ်လ ၄ ရက်နေ့က အိမ်ခေါင်မိုးမှာရှိနေတဲ့ စစ်ကျန်ဗုံးသီးပြုတ်ကျရာမှာ အသက်တဆယ့်လေးနှစ်အရွယ် မောင်အောင်မင်းမှာ ဘယ်ဖက်ပေါင်နဲ့ညာဖက်လက်ခုံမှာ ဒဏ်ရာပြင်းပြင်းထ န်ထန်ရသွားခဲ့ပါတယ်။

အဲဒီမောင်တောမြို့၊ လသာရပ်ကွက်၊ရွှေဇား၊ရွှေဇား(ဂုံးနား)၊အီတာလျာ၊ကမ်းပိုင်းနား၊ကပ်ဘေး၊စေတီပြင်စတဲ့ ကျေးရွာတွေမှာ ဖေဖော်ဝါရီလဒုတိယအပတ်ကစပြီး အာရက္ခတပ်တော်က မိုင်းရှင်းလင်းရေးတွေ လုပ်ဆောင်နေတယ်လို့ ထုတ်ပြန်ထားပါတယ်။

အဲဒီမိုင်းရှင်းလင်းရေးလုပ်နေတဲ့အချိန် လူနေအိမ်ခြံဝန်းတွေနဲ့လမ်းဘေးဝဲယာတွေမှာ စစ်ကောင်စီတပ်ထောင်ထားခဲ့တဲ့မြေမြုပ်မိုင်းသုံးဆယ်ကျော်ကို အာရက္ခတပ်တော်ရဲ့မိုင်းရှင်းလင်းရေးအဖွဲ့က ရှင်းလင်းနိုင်ခဲ့တယ်လို့ဆိုပါတယ်။

အဲဒီအပြင်တောင်ကုတ်မြို့အခြေစိုက်၊ ခမရ ၅၄၄တပ်ရင်းအနီးအနားနဲ့ ဂူတာရပ်ကွက်၊လမ်းတွေမှာ မတ်လ ၁၀ ရက်နေ့က မိုင်းရှင်းလင်းခဲ့ရာမှာ စစ်ကောင် စီတပ်ထောင်ထားခဲ့တဲ့ မြေမြုပ်မိုင်းသုံးဆယ်ရှစ်လုံးကို အာရက္ခစစ်သည်တော်တွေက ရှင်းလင်းနိုင်ခဲ့တယ်လို့ ဆိုပါတ ယ်။

အဲဒီသံတွဲမြို့နယ်မှာလည်း စစ်ကောင်စီတပ်စခန်းချခဲ့တဲ့နေရယတွေ၊ယာယီတပ်စွဲခဲ့တဲ့နေရာတွေ၊ တိုက်ပွဲဖြစ်ပွားခဲ့တဲ့နေရာတွေ၊စစ်​ကောင်စီတပ်စခန်းနဲ့အနီးအနားက ကားလမ်း၊လူနေရပ်ကွက်၊ ကျေးရွာတွေ၊ တောတောင်တွေမှာ ဖေဖော်ဝါရီလ ပထမအပတ်ကစလို့ မိုင်းရှင်းလင်းရေးတွေလုပ်နေတယ်လို့ ဆိုပါတယ်။

အဲဒီမိုင်းရှင်းလင်းရေးလုပ်နေတဲ့အချိန် လူနေအိမ်ခြံဝန်းတွေနဲ့ လမ်းဘေးဝဲယာတွေမှာစစ်ကောင်စီတပ်ထောင်ထားခဲ့တဲ့မြေမြုပ်မိုင်း၊ စစ်ကျန်မိုင်းအလုံးရေသုံးဆယ်ကို ရှင်းလင်းနိုင်ခဲ့တယ်လို့ ဆိုပါတယ်။

အဲဒီအပြင်မြောက်ဦးမြို့နယ်မှာလည်း ဖေဖော်ဝါရီကစလို့ မိုင်းရှင်းရေးတွေလုပ်နေတယ်လို့ဆိုပါတယ်။

အာရက္ခတပ်တော်ဟာ သူတို့ထိန်းချုပ်ထားတဲ့မြို့နယ်တွေမှာ မိုင်းရှင်းလင်းရေးတွေလုပ်ဆောင်နေပေမယ့် အရပ်သားပြည်သူတွေကတော့ မြေမြုပ်မိုင်းအန္တရာယ်တွေ၊စစ်ကျန်လက်နက်အန္တရာယ်တွေကိုလည်းမကြာခဏကြုံတွေ့နေကြရသလို မြေမြုပ်မိုင်းကြောင့် သေဆုံးဒဏ်ရာရထိခိုက်တာတွေ မကြာခဏဖြစ်နေကြတယ်လို့ အာရက္ခပြည်သူတွေကဆိုကြပါတယ်။

အဲဒါကြောင့် စစ်ဘေးရှောင်တွေအပါအဝင် ဒေသခံအရပ်သားပြည်သူတွေဟာ စားဝတ်နေရေးအခက်အခဲတွေ ကြုံတွေနေကြရသလို ဘေးကင်းလုံခြုံ ရေးဆိုင်ရာစိန်ခေါ်မှုတွေကိုလည်း ကြုံ တွေ့နေကြရတယ်လို့လည်း မောင်တောဒေသခံတွေက ဆိုကြပါတယ်။

အဲဒီအပြင်မြေမြုပ်မိုင်းတွေ၊စစ်ကျန်လက်နက်အန္တရာယ်တွေကိုလည်း စိုးရိမ်နေကြရသေးတာမို့ အာရက္ခတပ်တော်အပါအဝင် နိုင်ငံတကာအသိုင်းအဝိုင်းက ကူညီမိုင်းရှင်းပေးကြစေချင်တယ်လို့ မောင်တောဒေသခံတွေက ဆိုကြပါတယ်။