Border News Agency
မင်းတုန်း၊ သြဂုတ် ၃၀။
မကွေးဒေသ၊ မင်းတုန်းမြို့နယ်မှာ အာဏာသိမ်းစစ်တပ်ဘက်မှ တပ်ကြပ်၊ ဒုတပ်ကြပ်အပါအဝင် အာဏာသိမ်းစစ်သား ၅ ဦးအလင်းဝင်လာတယ်လို့ ပြည်သူ့ကာကွယ်ရေးတပ်မတော် သရက်ခရိုင် အမှတ် ၄ တပ်ရင်းမှ ဩဂုတ်လ ၃၀ရက်၊ ဒီနေ့ ထုတ်ပြန်ပါတယ်။
အဲဒီမင်းတုန်းမြို့နယ်၊ အနောက်ခြမ်းကို နယ်မြေထိန်းချုပ်ရေးအတွက် အင်အားအလုံးအရင်းနဲ့ စစ်ကြောင်းထိုးဝင်ရောက်နေတဲ့ စစ်တပ်စစ်ကြောင်းတခုမှ တပ်သား ၅ ဦးဟာ သြဂုတ်လ၂၉ ရက်နေ့က တော်လှန်ရေးတပ်ဖွဲ့ဆီအလင်းဝင်လာခဲ့တာလို့ ဆိုပါတယ်။
အဲဒီစစ်တပ်စစ်ကြောင်းမှ တပ်ကြပ် ၁ ဦး၊ ဒုတပ်ကြပ် ၂ ဦး၊ စစ်မှုထမ်း တပ်သားသစ် ၂ ဦးတို့ဟာ တော်လှန်ရေးတပ်ဖွဲ့ဆီ လက်နက်ချထွက်ပြေးခိုလှုံလာခဲ့တာလို့ ဆိုပါတယ်။
အာဏာသိမ်းစစ်တပ်ဟာ စစ်ရေးအနိုင်ယူနိုင်ဖို့အတွက် လေကြောင်းအား၊ လက်နက်ကြီးအား၊ ဒရုန်းအားတွေအပြင် စစ်မှုထမ်းတပ်သားသစ်တွေကို အသုံးချနေပေမယ့် လက်တွေ့စစ်မြေပြင်မှာအထိနာကျရှူံးနေကာ တပ်ဖွဲ့ဝင်တွေဟာနေ့စဥ်နဲ့အမျှ စစ်ကြောင်းစွန့်ခွာထွက်ပြေးနေကြတယ်လို့ ဆိုပါတယ်။
