Border News Agency
ဧရာဝတီ၊ စက်တင်ဘာ ၄။
ပြည်သူ့လွတ်မြောက်ရေးတပ်ဖွဲ့ (PLF)ရဲ့ အခြေခံစစ်ပညာသင်တန်းဆင်းပွဲနဲ့ ကျမ်းသစ္စာကျိန်ဆိုပွဲအခမ်းအနားကို ဌာနချုပ်လေ့ကျင့်ရေးသင်တန်းကျောင်းမှာ ကျင်းပခဲ့ပါတယ်။
အဲဒီသင်တန်းအပတ်စဉ်ကို သုံးလတာကြာဖွင့်လှစ်သင်ကြားခဲ့တာဖြစ်ပြီး အခမ်းအနားသို့ ဗဟိုကော်မတီတာဝန်ရှိသူတွေနဲ့ ဖိတ်ကြားထားတဲ့ဧည့်သည်တွေတက်ရောက်ခဲ့ကြပါတယ်။
သင်တန်းဆင်းပွဲမှာ ထူးချွန်ဆုရရှိတဲ့သင်တန်းသား၊ သင်တန်းသူတွေကိုတာဝန်ရှိသူတွေက ဆုတွေပေးအပ်ချီးမြှင့်ခဲ့ကြပါတယ်။
စစ်အာဏာရှင်စနစ် အမြစ်ပြတ်ရေးနဲ့ ဖိနှိပ်ခံပြည်သူလူထုတရပ်လုံး လွတ်မြောက်ရေးအတွက် မဆုတ်မနစ်ဆက်လက်ချီတက်သွားမယ်လို့ PLF က အသိပေးထားပါတယ်။
