Border News Agency
ကျောက်တော်၊ စက်တင်ဘာ ၂၈။
အာရက္ခတပ်တော်(AA)ထိန်းချုပ်ထားတဲ့ ကျောက်တော်မြို့၊အိန္ဒိယစျေးအနီးကို စက်တင်ဘာလ ၂၈ ရက်၊ဒီနေ့ အာဏာသိမ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီအိန္ဒိယစျေးအနီးကို ဒီနေ့ နေ့လည် ၁၂ နာရီ ၈ မိနစ်ခန့်မှာ ပထမစစ်လေယာဉ်တစီး လာရောက်ဝဲပျံခဲ့ပြီးနောက် ၁၂ နာရီ ၁၆ မိနစ်ခန့်မှာ ဒုတိယစစ်လေယာဉ်တစီး ထပ်တိုက်ခိုက်ခဲ့တာပါ။
အဲဒီလိုလေကြောင်းတိုက်ခိုက်မှုကြောင့် ထိခိုက်ပျက်စီးမှုအသေးစိတ်ကိုတော့ မသိရသေးပါဘူး။
အာရက္ခတပ်တော်ထိန်းချုပ်ထားတဲ့မြို့နယ်တွေကို အာဏာသိမ်းစစ်တပ်လေကြောင်းတိုက်ခိုက်နေတာမို့ ပြည်သူတွေ လေကြောင်းအန္တရာယ်ကို အထူးသတိပြုကြဖို့ အာရက္ခတပ်တော်အသိပေးထားပါတယ်။
