Border News Agency
ပက်ရှာဝါ၊ အောက်တိုဘာ ၁၆။
ပါကစ္စတန်နိုင်ငံ၊ ပက်ရှာဝါမြို့ရှိ ပုဂ္ဂလိကကျောင်းတကျောင်းမှာ အောက်တိုဘာလ ၁၅ ရက်နေ့မနက်ပိုင်းက အမိုးပြိုကျမှုဖြစ်ပွားခဲ့ရာ ကလေးသုံးဆယ့်လေးဦးနဲ့ ဆရာမတဦးသေဆုံးခဲ့ပါတယ်။
နှစ်ထပ်အဆောက်အအုံရဲ့ အပေါ်ဆင့်အမိုးပြိုကျမှုကြောင့် ကျောင်းသားတရာ့တဆယ့်ဝန်းကျင်ရှိတဲ့ စာသင်ခန်းတွေထဲကို အပျက်အစီးတွေပြုတ်ကျလာခဲ့ပြီး ကလေးလေးဆယ်ငါးဦးထက်မနည်း ဒဏ်ရာရရှိခဲ့ပါတယ်။
အဆောက်အအုံတည်ဆောက်မှုစနစ် အားနည်းညံ့ဖျင်းတာနဲ့ဝန်ပိုနေတာကြောင့် ခုလိုဖြစ်ပွားရတာဖြစ်တယ်လို့ ရဲတပ်ဖွဲ့ကသုံးသပ်ထားပြီး ကျောင်းပိုင်ရှင်ကိုလည်း ဖမ်းဆီးစစ်ဆေးနေပါတယ်။
ဒေါသထွက်နေတဲ့ကျောင်းသားမိဘတွေကတော့ ကျောင်းတာဝန်ရှိသူတွေအနေနဲ့ အခုဖြစ်ရပ်အတွက် အပြည့်အဝတာဝန်ယူပေးဖို့ တောင်းဆိုနေကြပါတယ်။
ပါကစ္စတန်အစိုးရရဲ့ ပညာရေးအသုံးစရိတ်နည်းပါးမှုကြောင့် မိသားစုအများစုဟာ လုံခြုံရေးအားနည်းတဲ့ ပုဂ္ဂလိကကျောင်းတွေကိုသာ အဓိကထားမှီခိုနေကြရပါတယ်။
