Border News Agency
စစ်တွေ၊အောက်တိုဘာ ၂၈။
အာရက္ခဒေသ၊စစ်တွေမြို့နဲ့ ဝီရဌာနီအကြား ကုလားတန်မြစ်ဝမှာတပ်စွဲထားတဲ့ အာဏာသိမ်းစစ်တပ်ရဲ့ စစ်သင်္ဘောသုံးစီးကို တိုက်ခိုက်ဖျက်ဆီးနိုင်ခဲ့တယ်လို့ အာရက္ခတပ်တော် (AA) ရဲ့ ပြောရေးဆိုခွင့်ရှိသူခိုင်သုခကပြောပါတယ်။
သတင်းကျွတ်လပြည့်ညမှာ ရေကြောင်းစစ်ဆင်ရေးတခုဖော်ဆောင်ခဲ့တာဖြစ်ပြီး စစ်သင်္ဘောသုံးစီးထဲကနှစ်စီးမှာ လုံးဝနစ်မြုပ်သွားကာ ကျန်တစီးမှာလည်းဆိုးဆိုးရွားရွားထိမှန်ပျက်စီးခဲ့တယ်လို့ဆိုပါတယ်။
အဲဒီအပြင် အာဏာသိမ်းစစ်တပ်ဟာ ငပီကျွန်းကိုကမ်းတက်ခြေကုတ်ယူဖို့ အပြင်းအထန်ကြိုးစားခဲ့ပေမယ့် လက်ရှိမှာငပီကျွန်းကိုအာရက္ခတပ်တော်ကအခိုင်အမာထိန်းချုပ်ထားနိုင်ခဲ့တယ်လို့ ဆိုပါတယ်။
စစ်တွေမြို့ အနီးပတ်ဝန်းကျင်မှာ တိုက်ပွဲတွေ ပြင်းထန်စွာ ဆက်လက်ဖြစ်ပွားနေပြီး အာဏာသိမ်းစစ်တပ်ဟာ မြို့အတွင်း ပိတ်မိနေတဲ့ အရပ်သားပြည်သူတွေကို လူသားဒိုင်းအဖြစ် အသုံးပြုကာ ခုခံနေတယ်လို့လည်းဆိုပါတယ်။
အာဏာသိမ်းစစ်တပ်ဟာ အရပ်သားတွေတူးထားတဲ့ ဗုံးခိုကျင်းတွေကိုလိုက်လံဖျက်ဆီးနေပြီး အဲဒီလုပ်ရပ်ဟာ အရပ်သားပြည်သူတွေကိုသတ်ဖြတ်ဖို့ စနစ်တကျစီစဉ်နေတဲ့ လူ
သားမျိုးနွယ်ပေါ် ကျူးလွန်တဲ့ ရာဇဝတ်မှုဖြစ်တယ်လို့ဆိုပါတယ်။
