Border News Agency
မြေပုံ၊နိုဝင်ဘာ ၈။
အာရက္ခတပ်တော်(AA)ထိန်းချုပ်ထားတဲ့မြေပုံမြို့နယ်က ပြည်သူတွေဟာ စားဝတ်နေရေးအခက်အခဲတွေနဲ့ရင်ဆိုင်နေကြရပါတယ်။
အဲဒီအပြင် အာဏာသိမ်စစ်တပ်ရေတပ်စစ်သင်္ဘောတွေကပစ်ခတ်တာတွေလည်းရှိနေတာမို့ ဝမ်းစာရှာဖို့ခက်ခဲနေကြပါတယ်။
အဲဒီအကြောင်းတွေကို မြေပုံမြို့နယ်က ဦးမောင်မောင်က Border News Agency ကို ပြောပြထားပါတယ်။
“ကျနော်တို့မှာမိသားစုကငါးယောက်ဆိုရင် မိဘတွေနဲ့ပေါင်းပြီးဆယ်လောက်ရှိပါတယ်။ တရက်မှာထွက်ငွေကတရက်အတွက်အနည်းဆုံး ရှစ်သောင်းကိုးသောင်းလောက်ရှိပါတယ်။ မိုးလင်းကနေ နေတဝင်ထိအနည်းဆုံးရှစ်သောင်းတရက်အတွက် အဲဒါမှပဲလုံလောက်တယ်။
တံငါးသည်တွေပိုက်ထွက်လို့အဆင်မပြေ။အဝေးကိုသွားပြီးချလို့မရလို့ ကျနော်တို့အတွက်က အင်မတန်အခက်အခဲရှိပါတယ်။မလုံမလောက်ဖြစ်နေပါတယ်။ကျနော်တို့ဒီလုပ်ငန်းနဲ့ပက်သက်ပြီးတော့ ဒီအချိန်မှာဆိုရင် ကုန်းပေါ်မှာကရေလုပ်ငန်းနဲ့ပက်သက်ပြီးအလုပ်မရှိတဲ့လူတွေပဲ ထိုင်နေကြတာ။
တခေါက်သွားပြီးတခေါက်ဝင်လာ။အဲဒီလိုလည်ပတ်နေမှ ကိုယ့်အတွက်နည်းနည်းကျန်တယ်။ကျနော်တို့ ဒီတံငါးသည်အလုပ်နဲ့ပက်သက်ပြီးတော့ တရာမှာကိုးဆယ်ယောက်တရာယောက် အခုလိုဖြစ်နေပါတယ်။
ဥပမာဦးရွှေလှမောင်မှာ လှေတစီးရှိပါတယ်။ လုပ်သားကရှစ်ယောက် အဲဒီရှစ်ယောက်ကအလုပ်ထွက်လုပ်ရင် ရှစ်မိသားစုကငွေလိုအပ်နေကြပြီ နောက်ပြီးသူ့စက်လှေဝင်လာပြီး ငါးတင်ဖို့ကလူငါးယောက်ခြောက်ယောက်လောက်လိုပါတယ်။
နောက်ပြီး ပိုက်ကိုတင်လာရင် အဲဒီပိုက်ကိုဖာဖို့အတွက် လူဆယ်ကိုးယောက်လိုပါတယ်။မိသားစုသုံးဆယ်လေးဆယ် လှေတစီးမှာ လူဆယ်ကိုးယောက်လိုပါတယ်။အဲဒီလိုလေလေးငါးခြောက်ဆယ်လောက်ရှိပါတယ်ပိုက်ချနေတာက ရွာကတော့ လုံခြုံပါတယ်။
ခုကဘယ်မှမသွားရဘူး။ဒီကမ်းနားတွေမှာချတာကရှုံးပါတယ်။ခုအချိန်ချမယ်ဆိုရင် နေဗီကိုကခုကြောက်နေရတယ်။ငါးပါတဲ့နေရာတွေ နေဗီကိုကြောက်ပြီးမသွားရဘူး။
၉ လပိုင်း ၁၈ ရက်ထိအကုန်အပြီးအစီးချမယ်ဆိုရင် ပင်လယ်အဝေးကိုသွားပြီးချရပါတယ်။ ညဉ့်ဦးဘက်ကမ်းနားဘက်မှာချထားခဲ့ပြီး မနက်သွားတဲ့ချိန်နေဗီကိုမြင်ပြီး ပြန်မောင်းလာခဲ့တယ်။မောင်းပြန်လာတဲ့နေ့က ဆင်ဒမော်က စက်လှေနှစ်စီးကို ပင်လယ်မှာအရမ်းမီးခိုးငွေ့ထွက်တာပဲဆိုပြီး ကျနော်တို့မြင်လိုက်ပါတယ်။
မြင်လိုက်ပြီးတောင်ကြီးမော်နားကိုရောက်လာတာနဲ့ တခြားလှေတစီးက ကုလာလှေတစီးကိုတိုက်လိုက်တယ်။ကျနော်တို့လည်း အဲဒီဘက်ကမ်းကနေပြေးလာတာ။လူတွေကိုနောက်တစီးမှာတင်ပေးလိုက်တယ်လို့ပြောတယ်။ကိုယ့်မှာရှိလို့ တယောက်တည်းလုပ်တာလည်းမဟုတ်ဘူး။သုံးလေးငါးယောက်ပေါင်းလုပ်တာ။
ကျနော်တို့အဲဒီနေ့မှာမနက်မိုးလင်းတာနဲ့ ပိုက်ချပ်ဆွဲပြီးဝင်သွားတယ်။ချက်ချင်းဆေးကြောပြီး အိမ်ကိုပြန်သွင်းထားတယ်။အဲဒီနေ့ကတည်းကလုံးဝပြန်မထွက်သေးဘူး နေဗီကြောင်းနဲ့။နောက်ပြီး နှစ်လမခွဲထိက တောင်းကြီးမော်ခြေရင်းနားမှာချတယ်။
နေဗီတွေကသူတို့ကိုမြင်ရင်နောက်ကလိုက်လာတယ်။ဆွဲပိုက်သမားတွေကလည်းကြားထဲဝှက်နေကြတယ်။ဆွဲပိုက်သမားကိုမြင်ရင် လိုက်တယ် သူတို့ကလည်းမြင်ရင်ပြေးတယ်။မှီတဲ့သူတွေကိုတိုက်ပစ်လိုက်တာတွေလည်း ကျနော်တို့မြင်ပါတယ်။
ကျနောတို့လှေသေမားတွေကလည်း စက်သေးနှစ်လုံးနဲ့ဖြစ်လို့ အောက်ကိုမဆင်းရဲတော့ဘူး။တခြားနေရာတွေမှာ လှည့်ပတ်ပြီး ပိုက်ချနေရတယ်။ကမ်းနားဘေးပတ်ဝန်းကျင်မှာပိုက်ချစားနေရတယ်။အခုကအဝေးကို မသွားနိုင်ဘူး။
တရာရာခိုင်နှုန်းမှာရာနှုန်းပြည့်အဆင်မပြေသလိုဖြစ်နေပါတယ်။ခုက ကျနော်တို့မြေပုံမှာဒုက္ခသည်တွေ အကုန်လုံးနီးပါးထမင်းငတ်နေကြပါပြီ။ တရာမှာ ကိုးဆယ်ကိုးယောက်ကထမင်းငတ်နေပြီ။ ဝင်ငွေဆိုတာလည်းလုံးဝမရှိသလို စီးပွားရေးကအခုလိုအခြေအနေနဲ့ ဘယ်မှမသွားနိုင်ဘူး။တရာမှာတရာလုံးက အကုန်ဒုက္ခတွေနဲ့ပါ။
