Border News Agency
စစ်တွေ၊ ဩဂုတ် ၂၇ ။
ရခိုင်မှာ အိမ်ထောင်စု ၈၀ ရာခိုင်နှုန်းခန့်ဆိုးရွားတဲ့စားနပ်ရိက္ခာအကျပ်အတည်းနဲ့ရင်ဆိုင်နေကြရတယ်လို့ ကုလသ မဂ္ဂလူသားချင်းစာနာမှုဆိုင်ရာညှိနှိုင်းရေးရုံး(UNOCHA)ရဲ့ Relief Web စာမျက်နှာမှဩဂုတ်လ ၂၆ ရက် မနေ့က ဖော်ပြပါတယ်။
စားနပ်ရိက္ခာအကျပ်အတည်းကို ဖြေရှင်းဖို့ အိမ်ထောင်စု ၅၅ ရာခိုင်နှုန်းဟာ ပညာရေးနဲ့ကျန်းမာရေးအတွက် အသုံး စာရိတ်ကိုလျှော့ချထားကြရသလို ၃၆ ရာခိုင်နှုန်းဟာ တောင်းရမ်းစားသော က်နေကြရတယ်လို့ဆိုပါတယ်။
အသက် ၆ လမှ ၅ နှစ်ကြား ကလေးငယ်တွေမှာ အာဟာရချို့တဲ့မှုနှုန်းမြင့်မားနေတာကို တွေ့ရတယ်လို့လည်းဖော်ပြထားပါတယ်။
အဲဒီကောက်ယူခဲ့တဲ့အချက်အလက်တွေအရ ကလေး ၃၅၉ ဦးမှာ ၁၆ ဦးဟာ အလွန်ပြင်းထန်တဲ့ အာဟာရချို့တဲ့မှုတွေဖြစ်နေသလို နောက်ထပ်ကလေး ၄၇ ဦးကတော့ အသင့်အတင့်ပြင်းထန်တဲ့ အာဟာရချို့တဲ့မှုနဲ့ ကြုံနေရတယ်လို့ဆိုပါတယ်။
ဒီအကျပ်အတည်းတွေဟာ မြန်မာနိုင်ငံမှဘင်္ဂလားဒေ့ရှ်နိုင်ငံကို လူတွေစဉ်ဆက်မပြတ် ထွက်ပြေးခိုလှုံဖို့ တွန်းအားဖြစ်နေတယ်လို့လည်း ဆိုပါတယ်။
၂၀၂၄ ခုနှစ်၊နိုဝင်ဘာလမှ၂၀၂၅ ခုနှစ် ဧပြီလအတွင်း ဘင်္ဂလားဒေ့ရှ်နိုင်ငံကို အသစ်ရောက်ရှိလာတဲ့ ကလေးအရေ အတွက်ဟာ တလမှာ ၅,၀၀၀ ခန့်မှ ၁၀,၀၀၀ ကျော်ထိ နှစ်ဆတိုးလာခဲ့ တယ်လို့ ဆိုပါတယ်။
ပြီးခဲ့တဲ့ ၂၀၂၅ ဧပြီလက ဘင်္ဂလားဒေ့ရှ်နိုင်ငံကို ထွက်ပြေးလာကြတဲ့ အမျိုး သမီးတွေ၊ကလေးသူငယ်တွေနဲ့ပတ်သ က်လို့ ကောက်ယူခဲ့တဲ့အချက်အလက်တွေအရ အလွန်ပြင်းထန် ဒါမှမဟုတ် အသင့်အတင့် ပြင်းထန်တဲ့ အာဟာရချို့တဲ့မှုနှုန်းဟာ ၁၀ ရာခိုင်နှုန်း အထက်မှာ ရှိနေတယ်လို့လည်း ဖော်ပြထားပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝမြို့နယ်အပါအဝင် တဆယ်ငါးမြို့နယ်ကို အပြီးသတ်သိမ်းပိုက်ထိန်းချုပ်ထားပြီး အာရက္ခပြ ည်သူ့တော်လှန်ရေးအစိုးရအဖြစ်အုပ် ချုပ်ရေးယန္တရားတွေဖော်ဆောင်နေပါတယ်။
အာရက္ခအဆုံးအဖြတ်စစ်ပွဲစတင်ကတည်းက စစ်ကော်မရှင်တပ်ကအာရက္ခဒေသရှိ ကုန်းလမ်း၊ ရေလမ်းအားလုံးကို ပိတ်ဆို့ထားသလို ကုန်စည်စီးဆင်းမှုအားလုံးကိုလည်း တားဆီးထားတာမို့ ပြည်သူတွေဟာ စားဝတ်နေရေးအခက်အခဲတွေကိုကြုံတွေ့နေကြရပြီးကလေးသူငယ်တွေလည်း အာဟာရချို့တဲ့နေကြပါတယ်။
