Border News Agency
ဘင်္ဂလားဒေ့ရှ်၊ ဩဂုတ် ၂၅။
ဘင်္ဂလားဒေ့ရှ်ဒုက္ခသည်စခန်းတွေမှာ ၂၀၁၇ ခုနှစ်တုန်းက ဆုံးရှုံးခဲ့ရတဲ့ အသက်အိုးအိမ်စည်းစိမ်တွေနဲ့ မီးလောင်ပျက်စီးခဲ့ရတဲ့ အိမ်ခြေတွေကို ပြန်အမှတ်ရတဲ့အနေနဲ့ ရိုဟင်ဂျာတွေဖိနှိပ်ခံရမှုကိုးနှစ်မြောက် အမှတ်တရပွဲတွေကို ဩဂုတ်လ ၂၅ ရက်နေ့ပြုလုပ်ခဲ့ကြပါတယ်။
အဲဒီသေဆုံးခဲ့ရသူတွေကို အမှတ်ရဂုဏ်ပြုခဲ့ကြသလို အသက်ရှင်ကျန်ရစ်သူတွေရဲ့ ရဲရင့်မှုကိုလည်း ဂုဏ်ပြုဆုတောင်းတာတွေဆောင်ရွက်ခဲ့ကြတာပါ။
အဲဒီအပြင်တရားမျှတမှု၊ဂုဏ်သိက္ခာ၊နိုင်ငံသားအခွင့်အရေးနဲ့ ငြိမ်းချမ်းရေးတို့ရရှိရေးအတွက် မျှော်လင့်ချက်တွေ ဆက်ရှင်သန်နေဆဲဖြစ်တယ်လို့ဆိုကြပါတယ်။
မိဘဘိုးဘွားတွေရဲ့ မူရင်းနေရပ် ရခိုင်ဒေသဆီ ဘေးကင်းလုံခြုံစွာ ပြန်လည်နေထိုင်ခွင့်ရရှိရေး၊ မိမိတို့ အထောက်အထားကို ကာကွယ်ရေးနဲ့ အနာဂတ်အတွက် ဆက်မျှော်လင့်ချက်ထားရှိသွားမယ်လို့ ရိုဟင်ဂျာအသိုင်းအဝိုင်းကဆိုပါတယ်။
