Border News Agency
ကျောက်တော်၊ စက်တင်ဘာ ၂။
အာရက္ခတပ်တော်(AA)ထိန်းချုပ်ထားထားတဲ့ကျောက်တော်မြို့အချုပ်ခန်းမှအချုပ်သားနှစ်ဦးဟာ သြဂုတ်လ ၂၈ ရက်နေ့က ထွက်ပြေးသွားကြတယ်လို့ကျောက်တော်မြို့ခံတွေနဲ့ရဲတပ်ဖွဲ့ဝင်တချို့က အတည်ပြုပြောကြပါတယ်။
အဲဒီကျောက်တော်မြို့နယ်၊ပြိန်းချောင်းကျေးရွာမှာဇူလိုင်လ ၂၄ ရက်နေ့ညက လူသတ်ဓားမြတိုက်ရွှေတွေ၊ငွေတွေယူ သွားသူစွပ်စွဲတရားခံအသက်သုံးဆယ်ငါးနှစ်အရွယ်ညီညီစိုးနဲ့နောက်တဦးထွ က်ပြေးသွားကြတာလို့ ဆိုကြပါတယ်။
အဲဒီလူသတ်ဓားမြတိုက်စွပ်စွဲတရားခံညီညီစိုးဟာ လူသတ်ဓားမြတိုက်ခဲ့တာကိုဝန်ခံထားပြီး အချုပ်ခန်းမှာဖမ်းဆီးခံထားရတာကထွက်ပြေးလွတ်မြောက်သွားတာဟာ မေးခွန်းထုတ်စရာဖြစ်နေတယ်လို့ ပြည်သူတွေက ဆိုကြပါတယ်။
“အောက်ခြေကရဲတပ်ဖွဲ့ဝင်တွေ လာဘ် စားပြီးလွတ်ပေးလိုက်တာထင်ပါတယ်။ အဲဒီလိုမဟုတ်ရင် တရားခံကအမှုစစ် ဆေးနေတဲ့အချိန်မှာ ထိပ်တုံးထမ်းပြီးထွက်ပြေးသွားလို့ရသလားလို့ မေးခွန်းထုတ်ချင်ပါတယ်။” လို့ ကျောက်တော်မြို့နယ်၊ပြိန်းချောင်းကျေးမှာဓားမြတို က်သတ်ဖြတ်ခံရသူရဲ့မိသားစုဝင်တဦးက Border News Agency ကို ပြောပါတယ်။
အဲဒီကျောက်တော်မြို့နယ်၊ပြိန်းချောင်းကျေးရွာကအသက်ငါးဆယ်ကျော်အ ရွယ်ဒေါ်ဝင်းနုရီကို ဇူလိုင်လ ၂၄ ရက်နေ့က ဓားမြတိုက်သတ်ဖြတ်ပြီး ရွှေလေးကျပ်နဲ့ငွေတဆယ့်ငါးသိန်းခိုးယူသွားခဲ့တာပါ။
အဲဒီလူသတ်ဓားမြမှုစွပ်စွဲတရားခံအသ က်သုံးဆယ်ငါးနှစ်အရွယ်ညီညီစိုးဟာ ကုလားတန်မြစ်တဘက်ကမ်းရှိကြာညိုပြင်ကျေးရွာဇာတိဖြစ်ပြီး ပြိန်းချောင်းရွာမှာအိမ်ထောင်ကျနေသူဖြစ်ပါတယ်။
သူ့ကို ပြီးခဲ့တဲ့ဇူလိုင်လ ၃၁ ရက်နေ့ကပြိန်းချောင်းရွာမှာ တရားဥပဒေစိုးမိုးရေးနဲ့ပြည်သူ့လုံခြုံရေးဌာန(DLEPS) က ဖမ်းဆီးရမိခဲ့တာပါ။
ဒါပေမယ့်တလခန်းအကြား သြဂုတ်လ၂၈ ရက်နေ့မှာ ကျောက်တော်မြို့နယ်ရှိတရားဥပဒေစိုးမိုးရေးနဲ့ပြည်သူ့လုံခြုံ ရေးဌာန(DLEPS)ရဲ့အချုပ်ခန်းက နော က်ထပ်အဖမ်းခံထားရသူတဦးနဲ့အတူထွက်ပြေးလွတ်မြောက်သွားတယ်လို့ကျောက်တော်မြို့ခံတွေနဲ့ရဲတပ်ဖွဲ့ဝင်တချို့က ဆိုကြပါတယ်။
“အမှုစစ်ဆေးနေတဲ့တရားခံက ထိပ်တုံးထမ်းပြီးထွက်ပြေးသွားတာလားမေးခွန်းထုတ်ချင်ပါတယ်။ တရားခံကိုယ်တိုင်ကလည်းသူသတ်တာလို့ဝန်ခံထားပြီးသားပါ။ သက်သေအထောက်အထားတွေလည်းရှိပါတယ်။” လို့ ဒေါ်ဝင်းနုရီရဲ့ မိသားစုဝင်တဦးက Border News Agency ကို ပြောပါတယ်။
ဒေါ်ဝင်းနုရီရဲ့မိသားစုဝင်တွေကတော့ပြစ်မှုကျူးလွန်ထားသူတရားခံကို အမြန်ဆုံးပြန်လည်ဖမ်းဆီးပြီး အမြင့်ဆုံးပြစ်ဒဏ်ပေးဖို့ အာရက္ခပြည်သူ့တော်လှ န်ရေးအစိုးရကို တောင်းဆိုနေကြပါတယ်။
အာရက္ခတပ်တော်ထိန်းချုပ်နယ်မြေ တွေမှာ ခိုးမှု၊လုယက်မှု၊ဓါးပြတိုက်သတ်ဖြတ်မှု၊အဓမ္မပြုကျင့်မှု၊အဓမ္မပြုကျင့်ဖို့ကြံစည်မှုတွေ မကြာခဏတွေ့လာရပြီး ပြစ်မှုကျူးလွန်သူတရားခံတွေကို ဖော်ထုတ်ဖမ်းဆီးအရေးယူနိုင်တာ များများစားစားမတွေ့ရဘူးလို့ အာရက္ခပြည်သူတွေက ဝေဖန်ထောက်ပြကြပါတယ်။
အဲဒီအမှုအများစုမှာ တရားခံဖော်ထုတ်ဖမ်းဆီးအရေးယူအပြစ်ပေးနိုင်တာတွေမရှိဘဲ အမှုတချို့မှာသာသံသယတရားခံအများအပြားကို စုပြုံဖမ်းဆီးပြီး ကာ လရှည်ကြာစစ်ဆေးမှုတွေ လုပ်နေတာတွေ့ရတယ်လို့ ပြည်သူတွေက ဆိုကြပါ တယ်။
အဲဒီလိုအမှုအခင်းတွေ ပိုများလာတာ၊ တရားခံတွေကို ဖမ်းဆီးအရေးမယူနိုင်တာတွေဟာ အာရက္ခတပ်တော်ထိန်းချု ပ်နယ်မြေတွေမှာ တရားဥပဒေစိုးမိုးမှုအားနည်းတာ၊ရဲဝန်ထမ်းတွေ၊တရား ရေးဝန်ထမ်းတွေအရည်အချင်းပြည့်မီမှုအားနည်းတာ၊ရဲဝန်ထမ်းအင်အားလောက်ငှမှုမရှိတာကြောင့်ဖြစ်တယ်လို့ အာရက္ခပြည်သူ့တော်လှန်ရေးအစိုးရရဲ့ ရဲအရာရှိတွေက မှတ်ချက်ပြုထောက်ပြကြပါတယ်။
အဲဒီအပြင် ရဲဝန်ထမ်းတွေ၊ တရားရေးဝန်ထမ်းတွေဟာ အမှုအခင်းတွေကို အမှန်တရားအတိုင်းမဆုံးဖြတ်ကြဘဲ မျက်နှာလိုက်ကြတာတွေ၊ လာဘ်စားကြတာတွေကျူးလွန်နေကြတာမို့ အမှုအခင်းတွေမှာတရားဥပဒေအတိုင်းစီရင်ဆုံးဖြတ်တာတွေအားနည်းနေသေးတယ်လို့ပြည်သူတွေ ဝေဖန်ပြောဆိုနေကြပါတယ်။
