Border News Agency
စစ်တွေ၊ စက်တင်ဘာ ၅။
အာရက္ခတပ်တော်ဝိုင်းဝန်ပိတ်ဆို့ထားတဲ့ စစ်တွေနဲ့ကျောက်ဖြူမှာ စစ်ကော်မရှင်တပ်ဖွဲ့ဝင်တွေအကျအဆုံးများနေတယ်လို့ အာရက္ခတပ်တော်(AA)မှ စက်တင်ဘာလ ၅ ရက်၊ဒီနေ့ထုတ်ပြန်ပါတယ်။
စစ်ကော်မရှင်တပ်ဟာ စစ်တွေနဲ့ကျောက်ဖြူရှိ လက်ကျန်စခန်းတွေထပ်မံမကျစေရေးအတွက် ထိုးစစ်ဆင်တိုက် ခိုက်နေတယ်လို့ဆိုပါတယ်။
ဒါပေမယ့် အာရက္ခတပ်တော်မှတပ်ဖွဲ့ဝင်တွေရဲ့ကြံ့ကြံ့ခံစိတ်ဓာတ်၊စုစည်းညီညွတ်တဲ့ခုခံစစ်၊တန်ပြန်ထိုးစစ်အောက်မှာအထိအခိုက်အကျအဆုံးတွေနဲ့ကြုံနေရတယ်လို့ဆိုပါတယ်။
အာရက္ခတပ်တော်ဟာ ပလက်ဝမြို့နယ်အပါအဝင်တဆယ့်ငါးမြို့နယ်ကို အပြီးသတ်ထိန်းချုပ်ထားပြီး အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရားတွေဖော်ဆောင်နေပါတယ်။
အာရက္ခတပ်တော်တိုက်ခိုက်သိမ်းပိုက်ရမယ့်စစ်တွေ၊ ကျောက်ဖြူ၊မာန်အောင်သုံးမြို့နယ်သာကျန်နေပြီး စစ်တွေနဲ့ကျောက်ဖြူမှာ နှစ်ဘက်ထိတွေ့တိုက်ပွဲတွေဖြစ်နေကြသလို စစ်ရေးတင်းမာနေကြတာဖြစ်ပါတယ်။
အာရက္ခတပ်တော်ဟာ အာရက္ခ-အိန္ဒိယနယ်စပ်၊အာရက္ခ-ဘင်္ဂလာနယ်စပ်အပြ င် အာရက္ခ-မကွေးနယ်ခြား၊ အာရက္ခ-ပဲခူးနယ်ခြား၊အာရက္ခ-ဧရာဝတီနယ်ခြားကိုလည်း ထိန်းချုပ်ထားပြီး နွေဦးတော်လှန်ရေးလက်နက်ကိုင်အဖွဲ့တွေကို စစ်ရေးအကူအညီပေးပူးပေါင်းဆောင်ရွက်နေပါတယ်။
အဲဒါကြောင့်အာရက္ခ-ဧရာဝတီနယ်ခြား၊ အာရက္ခ-ပဲခူးနယ်ခြား၊ အာရက္ခ-မကွေးနယ်ခြားတွေမှာလည်း တိုက်ပွဲတွေပြင်း ထန်နေတယ်လို့ အာရက္ခတပ့တော်ကထုန်ပြန်ထားပါတယ်။
