Border News Agency
မြောက်ဦး၊မေ ၂၄။
မြေယာပြဿနာဟူသည်နှင့်မြေသိမ်းခံရမှု၊မြေယာပိုင်ဆိုင်မှုအငြင်းပွားခြင်းများတွင်သာ ဒစ်လည်နေကြသည်။မြေယာပြဿနာသည် ထိုနှစ်ခုထက်မက ကျယ်ပြန့်ပေသည်။
မြေသိမ်းခံရမှုကိုပြန်လည်ကုစားခြင်း၊ မြေယာပိုင်ဆိုင်မှုအငြင်းပွားခြင်းကိုဖြေရှင်းခြင်းအရေးကြီးသော်လည်း မြေယာပြဿနာသည် ထိုဖြစ်စဉ်နှစ်ရပ်အောက်တွင်သာ စီမံခန့်ခွဲမှုအရလမ်း ဆုံးနေသည်မဟုတ်ပေ။
မြေသိမ်းခံရမှုကို ဖြေရှင်းနိုင်ခြင်း၊မြေ ယာအငြင်းပွားမှုကို ဖြေရှင်းနိုင်ခြင်းစသည့်လုပ်ငန်းစဉ်နှစ်ခုကို ဖော်ဆောင်ယုံဖြင့် မြေယာပြဿနာအားကိုင်တွယ်နိုင်ပြီဟူ၍ ထင်မြင်ယူဆနေ၍မရပေ။
လက်နက်ကိုင်ပဋိပက္ခဒဏ်ကို နှစ်ပေါင်းများစွာခံနေကြရသည့် အာရက္ခဒေသအပါအဝင် မြန်မာပြည်အတွက် မြေသိမ်းခံရမှုနှင့်မြေယာပိုင်ဆိုင်မှုအငြင်း ပွားခြင်းမှာ မြေပြဿနာ၏ခေါင်းစည်းပိုင်းအဖြစ်တည် ရှိနေခဲ့သည်။
ဥပဒေကြောင်းအရ၊စီမံခန့်ခွဲပိုင်ခွင့်ရှိသူအာဏာပိုင်၏လုပ်ငန်းသဘောသဘာဝအရဖြစ်စေမြေသိမ်းခံရမှုနှင့်မြေယာပိုင်ဆိုင်မှုအငြင်းပွားခြင်းဆိုသည့်အချ က်နှစ်ရပ်သည် တရားမျှတမှုရလဒ်မြန်မြန်ထွက်လာရန် ဖြေရှင်းရမည့်ကိစ္စနှစ်ခုဖြစ်သည်။
ထိုကိစ္စရပ်နှစ်ခုအပေါ် အချိန်တိုအတွင်း တရားမျှတမှုရလဒ်မြန်မြန်ထွက်အောင် ကိုင်တွယ်နိုင်လေ ကောင်းလေဖြစ်သည်။
သို့သော် အာရက္ခဒေသနှင့်ဗမာဒေသများအတွက် မြန်မြန်ဖြေရှင်းပေးရမည့် ရလဒ်ကိုပင်လျှင်အချိန်ဆွဲကာရှည် လျားဇာတ်မျောအဖြစ် ပုံသွင်းခြင်းကို ခံခဲ့ကြရပြီဖြစ်သည်။
လက်နက်ကိုင်ပဋိပက္ခဒဏ်ကိုမျက်မြင်ကြုံ့တွေနေကြရသည့် အာရက္ခဒေသနှင့်ဗမာဒေသအချို့နေရာများမှပြည်သူ များအနေဖြင့် လက်ရှိစစ်ပွဲကာလနှင့်စ စ်ပွဲအလွန်ကာလတွင် မြန်မြန်ဖြေရှင်းပေးရမည့် မြေပြဿနာများတွင် မြေသိမ်းခံရမှု၊မြေယာပိုင်ဆိုင်မှုအငြင်းပွားမှုလောက်သာမဟုတ်ဘဲ နောက်ထပ်တိုးလာသောခေါင်းစဉ်များကိုပါ ရင်ဆိုင်လာရမည့် သဘောတွင်ရှိနေပေသည်။
ဥပမာ – စစ်ပွဲကာလအတွင်း အရပ်သားများနှင့်အရပ်ဘက်အဆောက်အအုံများကို ပစ်မှတ်ထားတိုက်ခိုက်ခြင်းသည်လည်း မြေနှင့်ပတ်သက်၍ မြန်မြန်ဖြေရှင်းပေးရမည့် ကိစ္စများထဲတွင် စာ ရင်းဝင်လာပေ၏။
အထူးသဖြင့် စစ်ပွဲကာလအတွင်း…
- အရပ်သားပြည်သူဆိုင်ရာ အရာဝတ္ထုပစ္စည်းများကို အကာအကွယ်ပေးခြင်း။
- အသေးစိတ်သတ်မှတ်ချက်ရှိသော အ ရပ်သားပြည်သူဆိုင်ရာ အရာဝတ္တုပစ္စည်းများကို အကာအကွယ်ပေးခြင်း။
- ပိုင်ဆိုင်မှုများအား ဖျက်စီးခြင်း။
- သဘာဝသယံဇာတအား တရားလက် လွတ်ထုတ်ယူခြင်း။
- စစ်၏ကြွင်းကျန်နေသော ပေါက်ကွဲပစ္စည်းများ။
- နေရပ်စွန့်ခွာခြင်း၊ဒုက္ခသည်များနှင့်ပြ ည်တွင်းနေရပ်စွန့်ခွာသူများ စသည့်ကိ စ္စရပ်များသည် မြေယာကိစ္စနှင့်မည်သို့
ဆိုင်သနည်းဟု ထင်စရာရှိပေ၏။
ထိုကိစ္စများသည်ပင်လျှင် မြေနှင့်ဆက်နွယ်မှုများမှာ ဆက်တိုက်ရှိလာနေကာ မြန်နိုင်သမျှမြန်အောင် ဖြေရှင်းရမည့်ကိစ္စရပ်များထဲတွင် ပါဝင်လာပေ၏။
ထိုကိစ္စရပ်များသည် မြေပြဿနာနှင့်ဆက်နွယ်ပြီး နိုင်ငံတကာစံနှုန်းများက ချဉ်းကပ်ထားသည့်အချက်များမှာ”ကုလသမဂ္ဂအထွေထွေအတွင်းရေးမှူးချု ပ်၏မြေနှင့်ပဋိပက္ခဆိုင်ရာလမ်းညွှန်ချက်မှတ်စု”တွင်ဖော်ပြထားပေသည်။
ကုလသမဂ္ဂအထွေထွေအတွင်းရေးမှူးချုပ်၏မြေနှင့်ပဋိပက္ခဆိုင်ရာလမ်းညွှန်ချက်မှတ်စုတွင် မြေကိစ္စရပ်အပေါ်တွင် အောက်ပါအချက်များကို ဆက်စပ်ပြထားသည်။
- ၁။အရပ်သားပြည်သူဆိုင်ရာ အရာဝ တ္ထုပစ္စည်းများကို အကာအကွယ်ပေးခြင်း။
- ၂။အသေးစိတ်သတ်မှတ်ချက်ရှိသော အရပ်သားပြည်သူဆိုင်ရာ အရာဝတ္တုပစ္စည်းများကို အကာအကွယ်ပေးခြင်း။
- ၃။ပိုင်ဆိုင်မှုများအား ဖျက်စီးခြင်း။
- ၄။သဘာဝသယံဇာတအား တရားလက်လွတ်ထုတ်ယူခြင်း။
- ၅။စစ်၏ကြွင်းကျန်နေသော ပေါက်ကွဲပစ္စည်းများ။
- ၆။နေရပ်စွန့်ခွာခြင်း၊ဒုက္ခသည်များနှင့် ပြည်တွင်းနေရပ်စွန့်ခွာသူများ။
- ၇။အမျိုးသမီးများအားခွဲခြားဆက်ဆံခြင်း။
- ၈။ဌာနေလူမျိုးများ၏မြေအခွင့်အရေး။
- ၉။စီးပွားရေးနှင့်လူ့အခွင့်အရေး။
ထိုအချက်များဆက်နွယ်နေသော မြေပြဿနာဆိုင်ရာကိစ္စရပ်များသည် အာရက္ခဒေသအတွက် နောက်တိုးအဖြစ်ရင်ဆိုင်ရမည့် မြန်မြန်ဖြေရှင်းရန်လိုနေမည့် ပြဿနာများဖြစ်နေမည်ပင်။
ကုလသမဂ္ဂအထွေထွေအတွင်းရေးမှူးချုပ်၏ မြေယာနှင့်ပဋိပက္ခဆိုင်ရာလမ်းညွှန်ချက်မှတ်စုတွင် ထိုပြဿနာများအပါအဝင် မြေနှင့်သက်ဆိုင်သောအ ခြားကျယ်ပြန့်သည့်အကြောင်းအရာများလည်ပါဝင်ပေသည်။
