Border News Agency
စစ်ကိုင်း၊ အောက်တိုဘာ ၁၆။
စစ်ကိုင်းတိုင်း၊ မင်းကွန်းတိုက်နယ်မှာစစ်ကော်မရှင်စစ်ကြောင်းကို တော်လှန်ရေးတပ်တွေတိုက်ခိုက်လို့ ဗိုလ်ကြီးတဦးအပါအဝင်ငါးဦးသေဆုံးခဲ့တယ်လို့ ယူနီကွန်းပြောက်ကျားတပ်ဖွဲ့-UGF မှ အောက်တိုဘာလ ၁၅ ရက်၊မနေ့ကထုတ်ပြန်ပါတယ်။
အဲဒီမင်းကွန်းတိုက်နယ်၊မင်းကွန်း-စစ်ကိုင်းလမ်းပိုင်းပေါက်တောကျေးရွာမှာအောက်တိုဘာလ ၁၃ ရက်နေ့က အင် အားနှစ်ဆယ်ခန့်ပါစစ်ကော်မရှင်စစ် ကြောင်းကို ယူနီကွန်းပြောက်ကျားတပ် ဖွဲ့ဝင်တွေကြားဖြတ်တိုက်ခဲ့တယ်လို့ ဆိုပါတယ်။
အဲဒီစစ်ကော်မရှင်တပ်ရဲ့ အမှတ် ၁၁၆ ခြေလျင်တပ်ရင်းက ဗိုလ်ကြီးမင်းထွန်းစိုးဦးဆောင်တဲ့စစ်ကြောင်းဟာ အရပ်သားတွေကိုဖမ်းဆီးစစ်ဆေးဖို့စစ်ကြောင်းထိုးလာချိန်မှာ တိုက်ပွဲဖြစ်ခဲ့တယ်လို့ဆိုပါတယ်။
အဲဒီတိုက်ပွဲမှာ မင်းထွန်းစိုးအပါအဝင်ငါးဦးသေဆုံးပြီး ဆယ့်ငါးဦးဒဏ်ရာရသွားခဲ့သလို MA1 သေနတ်နှစ်လက်၊MA3 သေနတ်သုံးလက်၊MA5 သေနတ်တလက်နဲ့ခြောက်လုံးပြူးသေနတ်တလက်အပါအဝင် အီနာဂါဗုံးသီးတလုံး၊အိုင်ကွန်တခုလည်းသိမ်းဆည်းရမိခဲ့တယ်လို့ ဆိုပါတယ်။
အဲဒီတိုက်ပွဲမှာ ယူနီကွန်းပြောက်ကျား တပ်ဖွဲ့တပ်ဖွဲ့ဝင်တဦးကျဆုံးခဲ့တယ်လို့ ဆိုပါတယ်။
Comments 1
I don’t think the title of your article matches the content lol. Just kidding, mainly because I had some doubts after reading the article. https://accounts.binance.com/hu/register-person?ref=IQY5TET4