Border News Agency
ပုဏ္ဏားကျွန်း၊ ဒီဇင်ဘာ ၂၃။
ပုဏ္ဏားကျွန်းမြို့နယ်ရှိ ကျေးရွာတချို့ကို စစ်ကော်မရှင်တပ်လေကြောင်းတိုက်ခိုက်လို့ နေအိမ်နှစ်လုံးပျက်စီးသွားခဲ့တယ်လို့ဒေသခံတွေကဆိုကြပါတယ်။
အဲဒီဆင်အင်းကြီး၊ ကွမ်းတောင်နဲ့ ခမောင်းတောရွာအနီးကို ဒီဇင်ဘာလ ၂၂ ရက်၊ ညနေ ၅ နာရီ ၄၀ မိနစ်အချိန်က စစ်ကော်မရှင်တပ် လေကြောင်းတိုက်ခိုက်ခဲ့တယ်လို့ဆိုပါတယ်။
ပုဏ္ဏားကျွန်းမြို့နယ်၊ ကွမ်းတောင်ရွာနဲ့အနီးရှိဂဏန်းကန်ကို အဲဒီညနေ ၆ နာရီ ၁၈ မိနစ်အချိန်က စစ်ကော်မရှင်တပ်က ပေါင် ၃၀၀ ဗုံးနှစ်လုံးနဲ့ တိုက်ခိုက်ခဲ့တာလို့ဆိုပါတယ်။
အဲဒီလိုတိုက်ခိုက်ခဲ့တာကြောင့် ဦးမောင်ခင်နုရဲ့နေအိမ်တလုံးနဲ့ ဦးမောင်ကျော်ဝင်းရဲ့နေအိမ်နှစ်လုံး ပျက်စီးသွားတယ်လို့ဆိုပါတယ်။
အဲဒီအပြင် ခမောင်းတောရွာ အရှေ့မြောက်ဖက်မီတာ ၆၄၀ အကွာသို့ အဲဒီနေ့ ညနေ ၇ နာရီ ၂၀ မိနစ်အချိန်ခန့်က စစ်ကော်မရှင်တပ်က ပေါင် ၃၀၀ ဗုံးနှစ်လုံးနဲ့ တိုက်ခိုက်ခဲ့တယ်လို့ဆိုပါတယ်။
အဲဒီကျောက်ဖြူမြို့နယ်၊ ငလုံးစုအထက်ရွာနဲ့အောက်ရွာကို ဒီဇင်ဘာလ ၁၁ ရက်နေ့ကလည်း စစ်ကော်မရှင်တပ် လေကြောင်းတိုက်ခိုက်ခဲ့တာကြောင့် အရပ်သားရှစ်ဦးသေဆုံးပြီး ဆယ့်ခြောက်ဦးဒဏ်ရာရသွားခဲ့ပါတယ်။
အဲဒီအပြင် မြောက်ဦးမြို့ရှိ မြောက်ဦးပြည်သူ့ဆေးရုံကြီးကို ဒီဇင်ဘာလ ၁၀ ရက်နေ့၊ ည ၉နာရီကျော်အချိန်က စစ်ကော်မရှင်တပ် လေကြောင်းတိုက်ခိုက်လို့ အရပ်သားသုံးဆယ်သုံးဦးသေဆုံးပြီး ခုနှစ်ဆယ်ခုနှစ်ဦးဒဏ်ရာရသွားခဲ့ပါတယ်။
စစ်ကော်မရှင်တပ်ဟာ အာရက္ခတပ်တော်ထိန်းချုပ်နယ်မြေတွေအပါအဝင် သူတို့ထိန်းချုပ်ထားဆဲဖြစ်တဲ့ ကျောက်ဖြူမြို့နယ်ကို ရွယ်ရည်ချက်ရှိရှိ လေကြောင်း၊ လက်နက်ကြီး၊ ဒရုန်းတွေနဲ့ နေ့စဥ်ပစ်ခတ်တိုက်ခိုက်နေတာကြောင့် အပြစ်မဲ့အရပ်သားတွေ အစုလိုက်အပြုံလိုက် သေဆုံး၊ ဒဏ်ရာရနေကြပါတယ်။
