လေကြောင်းအန္တရာယ်ကို ပိုမိုသတိထားကြဖို့ အာရက္ခတပ်တော် ထပ်မံသတိပေး
Border News Agency
မောင်တော၊စက်တင်ဘာ ၁၀။
အာဏာသိမ်းစစ်ကောင်စီဟာ လေကြောင်းဗုံးကြဲတိုက်ခိုက်မှုတွေကို တနိုင်ငံလုံးအတိုင်းအတာနဲ့အရင်ကထက် ပိုမိုလုပ်ဆောင်နေတာမို့ လေကြောင်းအန္တရာယ်ကို ပိုမိုသတိထားကြဖို့ အာရက္ခတပ်တော်(AA)က စက်တင်ဘာလ ၁၀ ရက်၊ဒီနေ့ ထပ်မံသတိပေးထုတ်ပြန်ပါတယ်။
အဲဒီစစ်ကောင်စီတပ်က လူနေထူထပ်တဲ့နေရာတွေ၊ဆေးရုံ၊စာသင်ကျောင်း၊စျေး၊ဘုန်းကြီးကျောင်း၊ခရစ်ယာန်ဘုရားကျောင်း၊လူနေအဆောက်အအုံကြီး၊အစိုးရအဆက်ဆက်အသုံးပြုခဲ့တဲ့ဌာနဆိုင်ရာအဆောက်အအုံတွေကို လေ ကြောင်းတိုက်ခိုက်မှုတွေပြုလုပ်နေတာဖြစ်ပါတယ်။
အဲဒီအပြင် စစ်ကောင်စီတပ်က ဆုံးရှုံးထားခဲ့ရတဲ့စခန်းတွေပါမကျန် ဗုံးကြဲတို က်ခိုက်နေတာမို့ အဲဒီနေရာတွေကို သတိထားသွားလာကြဖို့လည်း အာရက္ခတပ်တော်(AA)က ထပ်မံသတိပေးလိုက်တာဖြစ်ပါတယ်။
အာရက္ခတပ်တော်(AA)ပါဝင်တဲ့ညီနော င်မဟာမိတ်သုံးဖွဲ့ရဲ့”၁၀၂၇စစ်ဆင်ရေး” အဖြစ် အာရက္ခဒေသမှာ ပြီးခဲ့တဲ့နှစ်၊နိုဝင်ဘာလ ၁၃ ရက်နေ့က မောင်တော – အငူမော်ကားလမ်းရှိ စစ်ကောင်စီတပ်ရဲ့ဒုံးပိုက်နယ်ခြားစောင့်အထိုင်စခန်းကို အာရက္ခတပ်တော်(AA)မှ တိုက်ခိုက်သိမ်းပိုက်ခဲ့ပါတယ်။
အဲဒီနေ့ကစတင်ပြီး စစ်ကောင်စီတပ်ကအရပ်သားပြည်သူတွေကို ရည်ရွယ် ချက်ရှိရှိလေကြောင်းပစ်ခတ်မှုတွေ ပြုလုပ်နေတာဖြစ်သလို ခုရက်ပိုင်းလေ ကြောင်းပစ်ခတ်မှုတွေပိုမိုပြုလုပ်လာနေတယ်လို့ ပြည်သူတွေက ဆိုကြပါတ ယ်။
အာရက္ခစစ်ပွဲအဆုံးအဖြတ်မှာ အာရက္ခတပ်တော်(AA)က ပလက်ဝဒေသအ ပြင်ဘူးသီးတောင်၊ရသေ့တောင်၊ ပုဏ္ဏားကျွန်း၊ပေါက်တော၊ကျောက်တော်၊ကျောက်ဦး၊မင်းပြား၊မြေပုံ၊ရမ်းဗြဲ၊သံတွဲမြို့တွေကို အပြီးသတ်တိုက်ခိုက်သိမ်း ပိုက်ထားပြီဖြစ်ပါတယ်။
အဲဒီမြို့တွေအပြင် ထိုးစစ်ဆင်တိုက်ခိုက်နေတဲ့မြို့တွေ၊စစ်ရေးတင်းမာနေတဲ့မြို့တွေကိုလည်း စစ်ကောင်စီတပ်က လေကြောင်းတိုက်ခိုက်မှုတွေ ပိုမိုပြုလုပ်လာနေတယ်လို့ အာရက္ခပြည်သူတွေက ဆိုကြပါတယ်။
”ခုရက်ပိုင်းမြို့ပေါ်ကနေ နေ့တိုင်းဖြတ်ပျံနေတာပါ။ဘယ်အချိန်ပစ်ချခဲ့မလဲစိုး ရိမ်နေကြတာပါ။အသံကြားရင် တော့ သတိထားနေကြပါတယ်။အရင်ထက်ပိုပြီးလေယာဥ်တွေအပျံများနေတာဟုတ်ပါတယ်။”လို့ ကျောက်တော်မြို့ပေါ်နေသူတစ်ဦးက Border News Agency သို့ ပြောပါတယ်။
အဲဒီအာရက္ခတပ်တော်(AA)က အပြီးသတ်သိမ်းပိုက်ထိန်းချုပ်ထားတဲ့မောင်တောမြို့နယ်၊လေးမိုင်ရှိ အမှတ် ၂ နယ်ခြားစောင့်ရဲတပ်ကို စက်တင်ဘာလ ၉ ရက်နေ့၊ည ၉ နာရီ ၃၀ မိနစ်ခန့်အချိန်ခန့်မှာ စစ်ကောင်စီတပ်က လေကြောင်းတိုက်ခိုက်လို့ ငါးဆယ်ကျော်သေဆုံးသွားခဲ့တယ်လို့ အာရက္ခတပ်တော်(AA)က စက်တင်ဘာလ ၁၀ ရက်၊ဒီနေ့ ထုတ်ပြန်ပါတယ်။
အဲဒီအပြင် အာရက္ခတပ်တော်(AA)ကအပြီးသတ်သိမ်းပိုက်ထိန်းချုပ်ထားတဲ့ ပေါက်တောမြို့နယ်၊ရှင်ရွာကျေးရွာမှာ အာရက္ခတပ်တော်(AA)ရဲ့ယာယီဆေးကုသနေရာကို စက်တင်ဘာလ ၈ ရက်၊နေ့၊ည ၆ နာရီအချိန်မှာ စစ်ကောင်စီတပ်က တိုက်လေယာဥ်နဲ့ နှစ်ကြိမ်လာရောက်ဗုံးကြဲတိုက်ခိုက်ခဲ့တာမို့ ဆယ့်ခုနှစ်ဦးသေ ဆုံးပြီးဆယ်ဦးဒဏ်ရရှိသွားတယ်လို့ အာရက္ခတပ်တော်(AA)က စက်တင်ဘာ လ ၉ ရက်နေ့မှာ ထုတ်ပြန်ပါတယ်။
အဲဒီသေဆုံးဒဏ်ရသူတွေဟာ အာရက္ခတပ်တော်ကဖမ်းဆီးတာသူတွေ၊အာရက္ခတပ်တော်(AA)တပ်ဖွဲ့ဝင်တွေ၊ အာရက္ခပြည်သူ့တော်လှန်ရေးအစိုးရရဲ့ကျန်း မာရေးဝန်ထမ်းတချို့နဲ့အရပ်သားပြည်သူတွေလည်း ပါဝင်တယ်လို့ ဆိုပါတယ်။
အာရက္ခတပ်တော်(AA)က အပြီးသတ်သိမ်းပိုက်ထိန်းချုပ်ထားတဲ့သံတွဲမြို့မှာလည်း စက်တင်ဘာလ ၈ ရက်နေ့က စစ်ကောင်စီတပ်မှ လေကြောင်းဗုံးကြဲတိုက်ခိုက်လို့ ကျောင်းဆရာတစ်ဦးသေဆုံးပြီး ငါးဦးဒဏ်ရာရခဲ့တယ်လို့ သံတွဲဒေသခံတွေက ဆိုကြပါတယ်။
အာဏာသိမ်းစစ်ခေါင်းဆောင်မင်းအောင်လှိုင်ဟာ စက်တင်ဘာလ ၃ ရက်နေ့က လက်လွှတ်ဆုံးရှုံးသွားတဲ့ နယ်မြေတွေကို ပြန်လည်ထိုးစစ်ဆင်သိမ်းယူမှာမို့ သ တင်းရရင်ရသလို တပ်မတော်ကချေမှုန်းတိုက်ခိုက်သွားမှာ ဖြစ်တယ်ဆိုထားပါတယ်။
အာရက္ခတပ်တော်(AA)ပါဝင်တဲ့ညီနောင်မဟာမိတ်သုံးဖွဲ့ကလည်း မြန်မာတနိုင် ငံလုံးရှိမိဘပြည်သူလူထုတရပ်လုံးလ ည်း စစ်ကောင်စီရဲ့လေကြောင်းအန္တရာယ်ကို သတိထားကြဖို့ စက်တင်ဘာလ ၁၀ ရက်၊ဒီနေ့ ထုတ်ပြန်အသိပေးပြီး အ လေးအနက်တိုက်တွန်းထားပါတယ်။
(ဓာတ်ပုံ-အာဏာသိမ်းစစ်တပ်ရဲ့ Nan chang Q-5 မြေပြင်တိုက်ခိုက်ရေးလေယာဉ်ကို ရန်ကုန်၊မင်္ဂလာဒုံလေယာဉ်ကွင်းမှာတွေ့ရပုံ/ တပ်မတော်(လေ)
