​Border News Agency
မြောက်ဦး၊ ဇန်နဝါရီ ၂၆။

အာရက္ခတပ်တော်ထိန်းချုပ်ထားတဲ့ မြောက်ဦး၊ မင်းပြား၊ ကျောက်တော်နဲ့ ပုဏ္ဏားကျွန်းမြို့နယ်တွေမှာရှိတဲ့ ဆေးဆိုင်တွေကို အာရက္ခပြည်သူ့ကျန်းမာရေးဌာန(FDA) ကွင်းဆင်းစစ်ဆေးနေပါတယ်။

အာရက္ခပြည်သူတွေဆေးဝါးနဲ့ပတ်သက်ပြီး မလိုလားအပ်တဲ့ ဘေးအန္တရာယ်တွေမဖြစ်စေဖို့ ကွင်းဆင်းစစ်ဆေးနေတာဖြစ်ပါတယ်။

အဲ​ဒီလိုစစ်ဆေးတဲ့နေရာမှာ သက်တမ်းလွန်ဆေးဝါးတွေနဲ့ သောက်သုံးဖို့မသင့်တဲ့ အန္တရာယ်ရှိဆေးဝါးတွေကို လုံးဝမရောင်း
ချဖို့တားမြစ်ခဲ့တယ်လို့သိရပါတယ်။

အဲဒီအပြင် ဆေးဝါးရောင်းချတဲ့အခါမှာလည်း သုံးစွဲသူတွေဘေးအန္တရာယ်မဖြစ်အောင် စည်းစနစ်တကျရောင်းချကြဖို့ တိုက်တွန်းခဲ့ပါတယ်။

​အာရက္ခပြည်သူ့ကျန်းမာရေးဌာနက ပြည်သူတွေအတွက် အခမဲ့ထောက်ပံ့ထားတဲ့ TB နဲ့ ART ဆေးဝါးတွေကို ပုဂ္ဂလိကဆေးဆိုင်တွေမှာ တင်သွင်းရောင်းချတာမျိုး မလုပ်ကြဖို့ကိုလည်း သတိပေးညွှန်ကြားခဲ့ပါတယ်။

​အဲဒီအာရက္ခပြည်သူ့ကျန်းမာရေးဌာနဟာ လေကြောင်းတိုက်ခိုက်မှုတွေနဲ့ လူ့စွမ်းအားအရင်းအမြစ် လိုအပ်ချက်တွေကြားကပဲ ပြည်သူတွေအတွက် ပုံမှန်ကျန်းမာရေးစောင့်ရှောက်မှုနဲ့ ဝန်ဆောင်မှုတွေကို ဆောင်ရွက်နေတယ်လို့ သိရပါတယ်။

အာရက္ခတပ်တော်ဟာ ပလက်ဝဒေသအပါအဝင် အာရက္ခဒေသက ဆယ့်လေးမြို့နယ်ကို အပြီးသတ်သိမ်းပိုက်ထိန်းချုပ်ထားပြီး အာရက္ခပြည်သူ့တော်လှန်ရေးအစိုးရအဖြစ် အုပ်ချုပ်ရေးယန္တားတွေဖော်ဆောင်နေပါတယ်။