Border News Agency
အမေရိကန်၊ မတ် ၃။
အမေရိကန်ရဲ့ B-1B Lancer အဆင့်မြင့်ဗုံးကြဲလေယာဉ်တွေဟာ အီရန်နိုင်ငံအတွင်းပိုင်းအထိ ထိုးဖောက်ဝင်ရောက်ပြီး ဒုံးကျည်စခန်းတွေကို တိုက်ခိုက်ခဲ့တယ်လို့ အမေရိကန်ဗဟိုစစ်ဌာနချုပ် (CENTCOM) ကအတည်ပြုလိုက်ပါတယ်။
အဲဒီတိုက်ခိုက်မှုဟာ အီရန်ရဲ့ဒုံးကျည်စွမ်းဆောင်ရည်တွေကို ဖျက်ဆီးပစ်ဖို့ ရည်ရွယ်တာဖြစ်ပြီး သမ္မတ ထရန့် ပြောကြားခဲ့တဲ့ “သူတို့ရဲ့ ဒုံးကျည်လုပ်ငန်းစုတွေကို မြေလှန်ဖျက်ဆီးပစ်မယ်” ဆိုတဲ့ ကတိအတိုင်းအကောင်အထည်ဖော်တာလည်း ဖြစ်တယ်လို့ဆိုပါတယ်။
အမေရိကန်ရဲ့ ဗျူဟာမြောက် ဗုံးကြဲလေယာဉ်တွေဟာ အီရန်ရဲ့အဓိကဒုံးကျည်အခြေစိုက်စခန်းတွေကို ပစ်မှတ်ထား ချေမှုန်းခဲ့တာပါ။
လက်ရှိမှာတော့ အီရန်နိုင်ငံအတွင်းပိုင်းက ပစ်မှတ်တော်တော်များများ ထိမှန်ပျက်စီးသွားခဲ့ပြီး ဒီလုပ်ရပ်ကြောင့် အရှေ့အလယ်ပိုင်းဒေသရဲ့ စစ်ရေးအခြေအနေဟာ တစ်ကျော့ပြန် အမြင့်ဆုံး တင်းမာမှုအဆင့်ကို ရောက်ရှိသွားခဲ့ပါတယ်။
အမေရိကန်ဘက်ကတော့ သူတို့ရဲ့ စစ်ဆင်ရေးတွေဟာ အောင်မြင်မှုရရှိခဲ့တယ်လို့ ဆိုထားပါတယ်။
