Border News Agency
အီရန်၊ ဧပြီ ၁၄။
အီရန်နဲ့ဖြစ်ပွားနေတဲ့စစ်ပွဲကြောင့် ပြီးခဲ့တဲ့လအတွင်း သင်္ဘောတင်ခတွေ ၁၀ ရာခိုင်နှုန်းကျော်မြင့်တက်လာပြီး လောင်စာဆီဈေးနှုန်းတွေလည်း တရိပ်ရိပ်တက်နေဆဲဖြစ်ပါတယ်။
အဲဒီပြည်တွင်းဆိပ်ကမ်းတွေကြား ကုန်စည်ပို့ဆောင်ခွင့်နဲ့ ပတ်သက်တဲ့ “ဂျုန်းစ်အက်ဥပဒေကို သမ္မတဒေါ်နယ်ထရမ့်က မတ်လ ၁၈ ရက်နေ့မှာ ရက်ပေါင်း ၆၀ ကြာကင်းလွတ်ခွင့်ပေးခဲ့ပေမယ့် ဆီဈေးအပေါ် သက်ရောက်မှု မရှိသလောက်ဖြစ်နေတာပါ။
ကမ္ဘာ့ရေနံနဲ့ သဘာဝဓာတ်ငွေ့ ၂၀ ရာခိုင်နှုန်းလောက်ဖြတ်သန်းရာ ဟော်မုဇ်ရေလက်ကြားပိတ်ဆို့ခံထားရလို့ ရေနံစိမ်ဈေးဟာ တစည်ကို ဒေါ်လာ ၁၀၀ ဝန်းကျင်အထိ မြင့်တက်လာခဲ့ပါတယ်။
အမေရိကန်ရေတပ်က အီရန်ဆိပ်ကမ်းတွေကိုပိတ်ဆို့ထားတဲ့အတွက် စားသုံးသူတွေဟာလည်းဆီဆိုင်တွေမှာ တဂါလန်ကို ၄ ဒေါ်လာကျော်အထိပေးနေရပြီး ပြီးခဲ့တဲ့လထက် သိသိသာသာ ဈေးတက်လာတာဖြစ်ပါတယ်။
အဲဒီသင်္ဘောပေါင်း ၃၄,၀၀၀ ကျော်ဟာ လက်ရှိမှာရေလက်ကြားကိုရှောင်ကွင်းပြီး လမ်းကြောင်းသစ်တွေနဲ့ သွားနေရသလို သင်္ဘောအာမခံကြေးတွေကလည်း အရင်ကထက် ၁၀ ဆလောက်အထိမြင့်တက်နေပါတယ်။
ကျွမ်းကျင်သူတွေကတော့ ဟော်မုဇ်ရေလက်ကြားလမ်းကြောင်းပြန်မပွင့်မချင်း လောင်စာဆီဈေးနှုန်းတွေဟာ ပုံမှန်ပြန်ဖြစ်ဖို့ ခက်ခဲလိမ့်ဦးမယ်လို့ သုံးသပ်နေကြပါတယ်။
