Border News Agency
အီရန်၊ ဧပြီ ၂၅။
အီရန်နိုင်ငံခြားရေးဝန်ကြီး အာဘတ်အရာ့ချီဟာ အမေရိကန်နဲ့ ငြိမ်းချမ်းရေးဆွေးနွေးပွဲတွေ ပြန်စဖို့ကိစ္စဆွေးနွေးရန်အတွက် ပါကစ္စတန်နိုင်ငံ၊ အစ္စလာမ်မာဘတ်မြို့ကိုဧပြီလ၂၄ ရက်နေ့မှာ ရောက်ရှိလာတယ်လို့ Reuters သတင်းမှာဖော်ပြပါတယ်။
အဲဒီဆွေးနွေးပွဲဟာ ရှစ်ပတ်ကြာဖြစ်ပွားနေတဲ့ စစ်ပွဲကို အဆုံးသတ်ဖို့ မျှော်လင့်ချက်တခုဖြစ်ပြီး စစ်ပွဲကြောင့် လူပေါင်းထောင်ချီသေဆုံးခဲ့ရသလို ကမ္ဘာ့ဈေးကွက်မှာလည်း မငြိမ်မသက်မှုတွေ ဖြစ်ပေါ်နေတာပါ။
အမေရိကန်သမ္မတ ဒေါ်နယ်ထရမ့်ကတော့ အီရန်အနေနဲ့ အမေရိကန်ရဲ့ တောင်းဆိုချက်တွေကိုဖြည့်ဆည်းပေးမယ့် ကမ်းလှမ်းချက်တခု လုပ်ဖို့ စီစဉ်နေတယ်လို့ ပြောဆိုထားပေမယ့် အသေးစိတ်ကိုတော့ ထုတ်ဖော်ပြောဆိုတာ မရှိသေးပါဘူး။
ပါကစ္စတန်ခရီးစဉ်အတွင်းမှာ အီရန်အရာရှိတွေအနေနဲ့ အမေရိကန်ကိုယ်စားလှယ်တွေနဲ့ တိုက်ရိုက်တွေ့ဆုံဖို့ အစီအစဉ်မရှိဘူးလို့ အီရန်ဘက်က ကြိုတင်ပြောဆိုထားပါတယ်။
လတ်တလောမှာတော့ အီရန်နိုင်ငံခြားရေးဝန်ကြီးရဲ့ ဒီခရီးစဉ်ဟာ ဒေသတွင်းတင်းမာမှုတွေကို လျှော့ချနိုင်မလားဆိုတာကို နိုင်ငံတကာက စောင့်ကြည့်နေကြပါတယ်။
