Border News Agency
အင်္ဂလန်၊ဇွန် ၄။
အင်္ဂလန်နိုင်ငံအနောက်မြောက်ပိုင်း၊ဒီဗွန်စီရင်စု၊ ဆော်တွန်ကျေးရွာအနီးမှာ ဗြိတိန်ရေတပ် ရဟတ်ယာဉ်တစီး ပျက်ကျခဲ့တာကြောင့် ရေတပ်သား ၃ ဦး သေဆုံးသွားခဲ့တယ်လို့ ဗြိတိန်ကာကွယ်ရေးဝန်ကြီးဌာနက ထုတ်ပြန်ပါတယ်။
အဲဒီမတော်တဆမှုဟာဇွန်လ ၃ ရက်၊ မနက်အစောပိုင်း ၄ နာရီအချိန်ခန့်က ရဟတ်ယာဉ်လေ့ကျင့်ရေးဆင်းနေစဉ် ဖြစ်ပွားခဲ့တာဖြစ်ပြီး ပျက်ကျရတဲ့ အကြောင်းရင်းကို သိနိုင်ဖို့လက်ရှိမှာ ရေတပ်ဦးစီးချုပ် ဂျင်နရယ် ဂွန်း ဂျန်ကင်ကိုယ်တိုင် စုံစမ်းစစ်ဆေးမှုတွေ လုပ်ဆောင်နေပါတယ်။
ဗြိတိန်ဝန်ကြီးချုပ် ကီယာ စတာမာကလည်း ဒီဖြစ်စဉ်အပေါ် အနီးကပ်စောင့်ကြည့်နေပြီး သေဆုံးသူတွေရဲ့ မိသားစုဝင်တွေနဲ့ ထပ်တူ စိတ်မကောင်းဖြစ်ရကြောင်း ပြောကြားထားပါတယ်။
ရဟတ်ယာဉ်ပျက်ကျခဲ့တဲ့ နေရာအနီးမှာ အနောက်ဥရောပရဲ့ အကြီးမားဆုံး ရေတပ်စခန်းတစ်ခုဖြစ်တဲ့ ဒေဗွန်ပို့တ်အပါအဝင် ဗြိတိန်ရေတပ်စခန်းအချို့ တည်ရှိနေတယ်လို့လည်း သိရပါတယ်။
