Border News Agency
ရန်ကုန်၊ဇွန် ၁၇။
ဦးမင်းဇင်ကိုတရုတ်အာဏာပိုင်တွေ ဖမ်းဆီးထားတဲ့အပေါ် အမြန်ဆုံးပြန်လွှတ်ပေးဖို့ISP-Myanmar က ဇွန်လ ၁၇ ရက်၊ဒီနေ့မှာ တောင်းဆိုလိုက်ပါတယ်။
ဦးမင်းဇင်ဟာ ကူမင်းမြို့မှာ ပြုလုပ်မယ့် ပညာရပ်ဆိုင်ရာ ဆွေးနွေးပွဲကို တက်ရောက်ဖို့ သွားရောက်စဉ်မှာ ဖမ်းဆီးခံခဲ့ရတာဖြစ်ပြီး အခုလို ဖမ်းဆီးထားတာဟာ မှားယွင်းတဲ့ လုပ်ရပ်ဖြစ်တယ်လို့ဆိုပါတယ်။
ISP-Myanmar ဟာ ပါတီစွဲမရှိတဲ့၊ အစိုးရနဲ့သက်ဆိုင်ခြင်းမရှိတဲ့ လွတ်လပ်တဲ့ သုတေသနအဖွဲ့အစည်း (Think Tank) တခုသာ ဖြစ်ပြီးဒီမိုကရေစီ ခေါင်းဆောင်မှုနဲ့ နိုင်ငံ့အရေးမှာ ပြည်သူတွေ ပါဝင်လာဖို့ကိုသာ ဦးတည်လုပ်ဆောင်နေတာလို့ သူတို့က ရှင်းပြထားပါတယ်။
အဲဒါကြောင့် ဦးမင်းဇင်အပေါ် စွပ်စွဲထားတဲ့ အချက်အလက်တွေဟာ အထောက်အထားမဲ့ပြီး အခြေအမြစ်မရှိတဲ့အတွက် ဒီစွပ်စွဲချက်တွေကို အပြင်းအထန် ကန့်ကွက်ရှုတ်ချတယ်လို့လည်း ဖော်ပြထားပါတယ်။
နောက်ပြီး သုတေသနအဖွဲ့အစည်းတွေဟာ ဘယ်လိုဖိအားပေးမှုမျိုးမှ မခံရဘဲ လွတ်လပ်စွာ လုပ်ဆောင်ခွင့်ရဖို့က အရေးကြီးတာကြောင့် ဦးမင်းဇင်ကို ခြွင်းချက်မရှိ အမြန်ဆုံး ပြန်လွှတ်ပေးဖို့ တောင်းဆိုထားပါတယ်။
