Border News Agency
ခလယ်လွီထူ၊ဇွန် ၂၈။
ခလယ်လွီထူခရိုင်မှာအာဏာသိမ်းစစ်တပ်တပ်ဖွဲ့ဝင်တဦး လက်နက်ခဲယမ်းတွေနဲ့အတူ ဇွန်လ ၂၇ ရက်နေ့က အလင်းဝင်ရောက်လာခဲ့တယ်လို့ ကရင်အမျိုးသားအစည်းအရုံးက ထုတ်ပြန်ပါတယ်။
အဲဒီ အလင်းဝင်လာသူမှာအတင်းအဓမ္မ စစ်မှုထမ်းစေခိုင်းခံရတဲ့ ခမရ-၅၉၆ တပ်ရင်းမှအသက် ၂၃ နှစ်အရွယ် တပ်သား မောင်ပြည့်စုံအောင်ဖြစ်ပါတယ်။
သူဟာ MA-1 သေနတ် ၁ လက်၊ကျည်အိမ် ၃ ခု၊လက်ပစ်ဗုံး ၁ လုံးနဲ့ ကျည်ဆံ ၂၀၀ တောင့်တို့ကို ယူဆောင်လာခဲ့တာလို့ဆိုပါတယ်။
အခုလို လက်နက်ခဲယမ်းတွေနဲ့အတူ အလင်းဝင်ရောက်လာတဲ့ အာဏာသိမ်းစစ်တပ် တပ်ဖွဲ့ဝင်ကို ခလယ်လွီထူခရိုင်က ဆုငွေ ကျပ် ၁၀ သိန်းတိတိချီးမြှင့်ခဲ့တယ်လို့ ဆိုပါတယ်။
ကရင်အမျိုးသားအစည်းအရုံးအနေနဲ့ စစ်တပ်အတွင်း မိမိဆန္ဒမပါဘဲ အတင်းအဓမ္မ ခိုင်းစေခံနေရတဲ့ တပ်ဖွဲ့ဝင်တွေအနေနဲ့ မိမိတို့အသက်အန္တရာယ်ကို ကာကွယ်ဖို့ နီးစပ်ရာ တော်လှန်ရေးတပ်ဖွဲ့တွေဆီ အလင်းဝင်ရောက်ကြဖို့ ထပ်မံတိုက်တွန်းထားပါတယ်။
