Border News Agency
မောင်တော၊ဇူလိုင် ၂။
အာရက္ခတပ်တော်(AA)ထိန်းချုပ်ထားတဲ့တပ်ရင်းတွေ၊စစ်ဌာနချုပ်တွေကို အာဏာသိမ်းစစ်တပ်ပစ်မှတ်ထားတိုက်ခိုက်နေပါတယ်။
အာရက္ခတပ်တော်ထိန်းချုပ်ထားတဲ့ဘူးသီးတောင်မြို့နယ်ရှိ အမှတ် ၁၅ စစ်ဆ င်ရေးကွပ်ကဲမှုဌာနချုပ်ဟောင်းကို ဇူလို င်လ ၁ ရက်နေ့က အာဏာသိမ်းစစ်တ ပ်လေကြောင်းတိုက်ခိုက်ခဲ့ပါတယ်။
အဲဒီအမှတ် ၁၅ စစ်ဆင်ရေးကွပ်ကဲမှုဌာနချုပ်ဟောင်းကို ပြီးခဲ့တဲ့၂၀၂၄ ခုနှ စ်၊မေလကတည်းက အာရက္ခတပ်တော်သိမ်းပိုက်ထိန်းချုပ်ထားပါတယ်။
အဲဒီနေရာကို အာဏာသိမ်းစစ်တပ်လေယာဥ်အုပ်ကဗုံးအလုံးရေသုံးဆယ်ခန့်ကြဲချတိုက်ခိုက်ခဲ့တာဖြစ်ပြီးဘူးသီးတောင်မြို့ပေါ်ထိတုန်ခါမှုတွေဖြစ်သွားခဲ့ပါတယ်။
အဲဒီအပြင် မောင်တောခရိုင်၊မောင်တောမြို့နယ်ကို ဇူလိုင်လ ၁ ရက်နေ့၊ညဥ့်ဆယ်နာရီအချိန်ခန့်ကစတင်ပြီးအာ ဏာသိမ်းစစ်တပ်လေကြောင်းတိုက်ခို က်တာတွေအပြင်းအထန်ပြုလုပ်ခဲ့ပါတယ်။
အဲဒီမောင်တောမြို့အဝင်မြို့သူကြီးကျေးရွာဟောင်းရှိ အမှတ် ၅ နယ်ခြားစောင့်တပ်ရင်းနဲ့မောင်တောမြို့နယ်၊လေးမိုင်ရှိ အမှတ် ၂ နယ်ခြားစောင့်တ ပ်ရင်းကို အာဏာသိမ်းတပ်လေကြော င်းတိုက်ခိုက်ခဲ့တာပါ။
နောက်ပြီးအာရက္ခတပ်တော်ထိန်းချုပ်ထားတဲ့မောင်တောမြို့နယ်၊ကြိမ်ချော င်းကို ဇူလိုင်လ ၂ ရက်နေ့က အာဏာသိ မ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီကြိမ်ချောင်းကျေးရွာအနီးရှိအမှ တ် ၇ နယ်ခြားစောင့်တပ်ရင်းကို အဓိကဦးတည်တိုက်ခိုက်ခဲ့တာဖြစ်ပြီးတပ်ရင်းအတွင်းကျရောက်ပေါက်ကွဲခဲ့တယ်လို့ကြိမ်ချောင်းဒေသခံတွေက ဆိုကြပါတယ်။
အဲဒီအမှတ် ၇ နယ်ခြားစောင့်တပ်ရင်းကို ပြီးခဲ့တဲ့ ၂၀၂၄ ခုနှစ်၊ဧပြီလ ၁၂ ရက်နေ့ကတည်းက အာရက္ခတပ်တော်အပြီးသတ်သိမ်းပိုက်ထိန်းချုပ်ထားပါတယ်။
အဲဒီတပ်ရင်းဟာ အာဏာသိမ်းစစ်တပ်အတွက်အကြီးဆုံးစစ်ဗျူဟာဖြစ်ခဲ့သလိုဆေးရုံတွေ၊အကျဥ်းထောင်တွေလည်းတည်ရှိပြီးဧကပေါင်းများစွာကျယ်ပါတယ်။
