Border News Agency
လယ်မူလား၊ သြဂုတ် ၆။
တနင်္သာရီတိုင်း၊ မြိတ်-ထားဝယ်ခရိုင်၊ လယ်မူလားမြို့နယ်ကို သြဂုတ်လ ၄ ရက်နေ့က အာဏာသိမ်းစစ်တပ်လေကြောင်းတိုက်ခိုက်လို့ အရပ်သားတဦးသေဆုံးပြီး တဦးဒဏ်ရာရသွားတယ်လို့ ကရင်အမျိုးသားအစည်းအရုံးက ထုတ်ပြန်ပါတယ်။
အဲဒီလယ်မူလားမြို့နယ်၊ လမိုင်းကော့ရွာထဲကို အာဏာသိမ်းစစ်တပ်က ရွယ်ရည်ချက်ရှိရှိ လေကြောင်းတိုက်ခိုက်ခဲ့တယ်လို့ဆိုပါတယ်။
အဲဒီလိုတိုက်ခိုက်ခဲ့တာကြောင့် အသက်ခြောက်ဆယ်အရွယ်အမျိုးသမီးတဦးသေဆုံးခဲ့ရသလို နောက်ထပ်ပြည်သူတဦးလည်းဒဏ်ရာရသွားခဲ့တယ်လို့ ဆိုပါတယ်။
အဲဒီအပြင်ပြည်သူပိုင်နေအိမ်သုံးလုံးလည်း ပျက်စီးသွားခဲ့ပါတယ်။
အာဏာသိမ်းစစ်တပ်ဟာ အာဆီယံဘုံသဘောတူညီချက်ငါးချက်ကိုလိုက်နာတာမရှိဘဲ လေကြောင်း၊ ဒရုန်းနဲ့ လက်နက်ကြီးတွေသုံးပြီး အရပ်သားတွေကို ပစ်မှတ်ထားတိုက်ခိုက်တာတွေကို ဆက်တိုက်ပြုလုပ်နေတယ်ဆိုပါတယ်။
