Border News Agency
မဏိပူရ၊ ဩဂုတ် ၂၇။
အိန္ဒိယနိုင်ငံ၊မဏိပူရ်ပြည်နယ်၊အရှေ့အင်ဖာနဲ့ အနောက်အင်ဖာခရိုင်မှာ တိုင်းရင်းသားလက်နက်ကိုင် ခြောက်ဦးနဲ့ လက်နက်မျိုးစုံဆယ့်ခုနှစ်မျိုးဖမ်းဆီးရမိခဲ့တယ်လို့ အာသံရိုင်ဖယ်တပ်က သြဂုတ်လ ၂၇ ရက်၊ဒီနေ့ထုတ်ပြန်ပါတယ်။
အဲဒီအရှေ့အင်ဖာမှာ အာသံရိုင်ဖယ်တပ်ဖွဲ့နဲ့ မဏိပူရရဲတပ်ဖွဲ့တို့ပူးပေါင်းပြီး နယ်မြေရှင်းလင်းစစ်ဆင်ရေးဆောင်ရွက်ခဲ့ရာမှာ ကန်ဂလီးပတ်ပြည်သူ့ညီညွတ်ရေးပါတီတပ်ဖွဲ့ဝင်ခြောက်ဦးက ဖမ်းဆီးရမိခဲ့တာပါ။
အဲဒီအပြင် အနောက်အင်ဖာခရိုင်မှာပြုလုပ်ခဲ့တဲ့ သီးခြားစစ်ဆင်ရေးတခုအတွင်းမှာတော့ လက်နက်ဆယ့်ခုနှစ်မျိုးနဲ့အတူ အခြားစစ်ဘက်သုံးပစ္စည်းမျိုးစုံကို သိမ်းဆည်းရမိခဲ့ပါတယ်။
အခုလိုစစ်ဆင်ရေးတွေဟာ မဏိပူရပြည်နယ်အတွင်းဖြစ်ပေါ်နေတဲ့ ခြိမ်းခြောက်မှုတွေကို နှိမ်နင်းဖို့နဲ့ နယ်မြေတည်ငြိမ်ရေးအတွက် လုပ်ဆောင်ရတာဖြစ်တယ်လို့ ဆိုပါတယ်။
အိန္ဒိယလုံခြုံရေးတပ်ဖွဲ့တွေအနေနဲ့ မဏိပူရပြည်နယ်အတွင်း ငြိမ်းချမ်းရေးနဲ့ လုံခြုံရေးအတွက် ထိခိုက်စေမယ့် လုပ်ဆောင်ချက်တွေကို ဆက်လက်နှိမ်နင်းဆောင်ရွက်သွားမယ်လို့ဆိုပါတယ်။
