Border News Agency
ကျင်ဒွေး၊စက်တင်ဘာ ၃၀။
အာရက္ခတပ်တော်(AA)ထိန်းချုပ်နယ်မြေတွေကို ထိုးစစ်ဆင်ပြန်သိမ်းယူဖို့အတွက် အာဏာသိမ်းစစ်တပ်ဟာ ကျင်ဒွေးထိုးစစ်စတင်နေတယ်လို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
အဲဒီကန်ပက်လက်မြို့နယ်၊ ကျင်ဒွေးမြို့ကို မကွေးတိုင်း၊လောင်းရှည်မြို့ကတဆင့်ထိုးစစ်ဆင်နေတာဖြစ်ပြီး အာဏာသိမ်းစစ်တပ်ကလေကြောင်းပစ်ကူအပြင်းအထန်းယူရှေ့တိုးဖို့ကြိုးစားနေတယ်လို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
“မင်းတပ်၊ကန်ပက်လက်ဖက်ကထိုးဖောက်ဖို့အကြိမ်ကြိမ်ကြိုးစားခဲ့ပါတယ်။ရှေ့တိုးမရောက်တော့ ကျင်ဒွေးဖက်ကို ထိုးဖောက်ကြည့်တာပါ။အဓိကတော့ AA တပ်တော်နယ်မြေတွေကို ပြန်လိုချင်နေတာပါ။မြေပြင်ထိတွေ့တိုက်ပွဲတွေတောက်လျှောက်ဖြစ်နေပါတယ်။လေကြောင်းပစ်ကူယူပြီးရှေ့တိုးဖို့ကြိုးစားနေတာပါ။”လို့ မြေပြင်စစ်ရေးသတင်းရင်းမြစ်တဦးက Border News Agency ကို ပြောပါတယ်။
အဲဒီကျင်ဒွေးမြို့ဟာ အာရက္ခတပ်တော်ထိန်းချုပ်ထားတဲ့ ပလက်ဝမြို့နယ်၊မြောက်ဦးမြို့နယ်၊မင်းပြားမြို့နယ်တွေကို ထိုးဖောက်ဝင်ရောက်နိုင်တဲ့လမ်းကြောင်းတွေရှိနေတာမို့ အာဏာသိမ်းစစ်တပ်ကပလက်ဝမြို့နယ်ကို ပြန်ထိုးစစ်ဆင်နိုင်ဖို့ ကြိုးစားနေတာဖြစ်နိုင်တယ်လို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
ဒါပေမယ့် တောတောင်ထူထပ်တာတွေအပါအဝင် လမ်းပန်းဆက်သွယ်ရေးခက်ခဲသလို မြေပြင်တော်လှန်ရေးတပ်တွေအပြင်းအထန်ခုခံနေတာမို့ အာဏာသိမ်းစစ်တပ်ရှေ့တိုးနိုင်မှာမဟုတ်ဘူးလို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
အဲဒီကျင်ဒွေးမြို့အပါအဝင် မင်းတပ်၊ကန်ပက်လက်၊မတူပီစတဲ့မြို့နယ်တွေမှာလည်း အာရက္ခတပ်တော်ပါဝင်တိုက်ခိုက်ပေးနေသလို အင်အားအများအပြားပူးပေါင်းပါဝင်နေတယ်လို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
“မင်းတပ်ကိုတောင်မရတာ မတူပီကိုရောက်ဖို့မလွယ်ပါဘူး။မတူပီကို ပြန်ရသွားရင်တောင် ပလက်ဝထိဆက်တိုးဖို့မလွယ်သေးပါ။အဲဒါကြောင့်နောက်တလမ်းကကြိုးစားကြည့်တဲ့သဘောပါပဲ။အေအေကတော့ မြို့တိုင်းမှာဝင်တိုက်ပေးနေတာပါပဲ။”လို့ မြေပြင်စစ်ရေးသတင်းရင်းမြစ်တဦးက Border News Agency ကို ပြောပါတယ်။
အဲဒီကျင်ဒွေး၊ကန်ပက်လက်၊မင်းတပ်၊မတူပီ၊ဆမီးအပါအဝင်မြို့နယ်တွေမှာ အာရက္ခတပ်တော်ကနဂါး(Dragon)စစ်ဒေသအဖြစ်အသစ်ဖွဲ့ထားပြီး အာရက္ခတပ်တော်ရဲ့အတော်ဆုံးစစ်ဒေသမှူးတွေထဲကတဦးကို စစ်ဒေသမှူးခန့်တာဝန်ပေးထားတယ်လို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
အဲဒါကြောင့် အာဏာသိမ်းစစ်တပ်ထိုးဖောက်ဝင်လာမယ့် မြေပြင်စစ်လမ်းတလျှောက်မှာ လက်နက်ကိုင်တော်လှန်ရေးအဖွဲ့တွေနဲ့အတူ အာရက္ခတပ်တော်က အင်အားထောင်ချီပြီး ခုခံအထပ်ထပ်အခိုင်အမာပြင်ဆင်ထားတာမို့ အာဏာသိမ်းစစ်တပ်ထိုးဖောက်ဝင်လာနိုင်မှာမဟုတ်ဘူးလို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
